بسم الله الرحمن الرحيم
من الاكلات المفيدة جدا المسقعه لاحتوائها على حديد وفيتامينات كتير
والحمد لله هى الاكله الوحيدة اللى جوزى بيحبها اصله مش اكيل خالص والحق يقال وبينى وبينكم اعترف انى بعملها حلو اوى
المكونات على حسب عدد الافراد اللى هاتشوفوها دلوقتى على قدى انا وجوزى وبنوتى اصلهم مش بياكلوا اصلا اكلهم اكل كتاكيت
المكونات
1 باذنجان رومى كبير
2 حبه طماطم
4 فلفل اخضر
1 بطاطس
2 ملعقه كبيرة صلصه طماطم
توابل وبهارات
الطريقه
بناخد الباذنجان ونقشرة ونقطعه شرائح ونحطه فى مصفاة تحتها طبق ونرش عليه ملح ونسيبه عشان الملاح يشرب الميه اللى فيه وعشان مايشربش زيت كتير
بناخد كل المكونات الباقيه ونقطعها شرائح بس تخينه مش رفيعه
نحمر الباذنجان فى زيت سخن ونطلعه
نحمر البطاطس بس مش لدرجه كبيرة يدوبك لونها يتغير
نبدا نرص فى الصينيه طبقه طماطم
عليها طبقه فلفل
ثم بطاطس
ثم باذنجان
وهكذا حتى نخلص كل الكميه وطبعا اخر طبقه بتكون باذنجان
نجيب الصلصه نضع عليها ميه او شوربه لو عندك ونضع عليها توابل وبهارات وملح ونغطى الصينيه بالصلصه
نضعها فى الفرن وهو ساخن لمدة ربع ساعه تقريبا
بعد كدة بنحطها تحت الشوايه لغايه ما الوش يحمر
وبالف هنا وشفا
مواضيع هذا القسم برعاية
ommarem ommarem 310226_4.gif فتكات ست الكل Fatakat 310226 الجيزة – مصر