**السمك بالزيت والليمون:
..المقادير:
-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم
..الطريقه:
-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..
**السمك الصياديه:
…المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
– ربع ك عصير طماطم(أكلتي لفردين فقط)
-ليمونه
-ملح وكمون وشطه
..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج .
**السمك السنجاري:
..المقادير:
– سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون
..الطريقه
-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر
**السمك المشوي:
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله
..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا
**السمك المقلي:
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو
..المقادير:
-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر
..الطريقه:
-يتبل السمك ثم يترك ساعه علي الأقل ثم يغطي بالدقيق ثم يدخل الثلاجه من نص ساعه لساعه ثم يحمر في زيت غذير
**صينيه السمك بالصلصه:
..المقادير:
-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم
..الطريقه:
-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير
السردين المملح:
..سردين يضاف له كميه مناسبه من الملح والشطه ويخلط جيدا جدااااااااا ويوضع في كيس نايلون ويغلق جيدا لمده من 5 أيام لأسبوع
بعد كده تزال القشره ويتبل بالليمون وزيت خفيف ومعاهم الشبت والبصل والطماطم وبالهنا أحلي طبق سردين…
)..الجمبري بالزيت والليمون:
-جمبري حجم كبير مقشر ومنظف
-للتبيل (ثوم+ملح+شطه+كمون+ليمون)
-ملعقتين زيت
……
-قومي بحشو شق الجمبري بالتتبيله ورصيه فالصينيه وضيفي له الزيت ثم أتركيه ساعه
-ارفعيه علي نار هادئه حتي يجف ماؤه ويبدأ في التحمير الخفيف…
(2)كفته الجمبري:
-جمبري حجم صغير
-دقيق أرز حسب كميه الجمبري
-بصله متوسطه+4فصوص ثوم
-بقدونس وشبت
-ملح وفلفل وكمون
………
-في الخلاط قطعي البصل وضيفي له الثوم والبقدونس والشبت(مقطع علشان ميلفش جوه الخلاط) والبهارات
-بمدق اللحم أو في الهون..دقي الجمبري دقات خفيفه (مش لدرجه انه يتهرس ..وده علشان يتماسك مع خليط الدقيق)
-في وعاء عميق اخلطي الدقيق بالجمبير بالخليط السابق حتي تتكون لديكي عجينه لينه نوعا ما غير يابسه
– امسحي يدك بالزيت وشكلي العجينه علي شكل اصابع أو دوائر
-هنا خياران اما تقلي فالزيت علي نار هادئه (ونتيجتها بالصوره)..أو تسلق في ماء مغلي وملح ثم تنشل وتحمر فالزيت..وانا أفضل الطريقه الاولي
(3)كفته الجمبري بالصلصه
-يؤخذ مقدار من الكفته المقليه
-عصير طماطم
-3فصوص ثوم
-ملح وبهارات
……….
-في حله عميقه أهرسي الثوم وحمريه في الزيت
-ضيفي عصير الطماطم والبهارات وأتركيه ليغلي
– ضيفي الكفته واتركيها لحد ما تتسبك شويه وتقدم بهذا الشكل
-أو ممكن تقومي بعمل نفس المراحل في الصينيه وبعد التسبيك تدخل الفرن
….انا اسفه الطريقه دي صورتها مش موجوده
(4)الجمبري المشوي 1:
-المقادير موضحه بالصوره وطريقه العمل أيضا مواضيع هذا القسم برعاية
camp it up camp it up 432431_1.gif فتكات نشيطة Fatakat 432431 cairo – egypt
سبحان الله و بحمده