اول امبارح بليل نزلت السوق انا وزوجى بليل علشان اجيب خضار رمضان واعمله فروزن
المهم جبت خضار رمضان كله قلت انظفه واشيله جاهز فى الديب فريزر اهه بجهز شغل بسيط من دلؤتى علشان اقدر اواظب على عبادتى فى رمضان بأكمل وجهه
المهم ظبط كل الخضار ونظفته وشيلته جيت باء عند الكوسه ودى حكايتى باء
………..
المهم انا كنت جايبه 3 كيلو كوسه قلت علشان اعمل اكياس شوربه خضار وفكرت فى فوكيره قلت اجربها
طبعا جربتها وطلعت ناجحه جدا وممتازه قلت لازم ابلغ فتاكيتى حبايبى بيها
ممكن يكون كتير عارفنها بس انا بصراحه اول مره اعرفها واجربها واللى مفارحنى اكتر ان انا اللى اكتشفتها وعن تجربتى الشخصيه بدون معلومات من احد
من الأخر كده مجهودى الشخصى يعنى
علشان كده فرحانه بنفسى اوى
انى طلعت ام العريف
المهم
بسوا انا جبت الكوسه قورتها كلها وشيلت طبعا قلب الكوسه فى كيس لوحده علشان بعمل بى اكله كده زى العجه كانت ماما معلمهانى
المهم قورت الكوسه كلها وبعد ما خلصتها قسمتها فى اكياس وشيلتها فى الفريزر وقلت باء انا وحظى يا سابت يا خابت
المهم قلت اطلع انهاردا كيس منهم احشى اجربه اشوف باظت ولا ايه ؟؟؟
لقيتها جامده جدا ولسه محتفظه بلونها طبعا طلعتها على الحشو عالطول يعنى ماسيبتهاش كتير باره من الفريزر على الحشو عالطول
المهم قلت هحشيها ازاى وهى جامده كده هتتكسر منى طيب اعمل ايه ؟؟؟؟
شغلت الفوكيره 
كان فى شويه ماء سخنه فى براد الشاى
جبت طبق غويت وحطيت في الماء الساخن وسقطها فيه وسيبتها ثوانى معدومه واكاد اكون ماسيبتها ش اصلا اول لما حطيتها شيلتها عالطول
وطلعت كويسه جدا ممتازه للغايه
ولا ناشفه ولا طريه كويسه جدا كأنى لسه مقورها جديد
حشتها باء وسويتها بجد كويسه جدا
انا قلت افيدكم يارب تستافادوا من تجربتى الخاصه مواضيع هذا القسم برعاية
happy ahmed happy ahmed 290949_3.gif فتكات رائعة Fatakat 290949 القاهره – مصر