كل سنه وانتوا طيببن معلش انا عاوزة اتكلم واخرج الى جوايا ومش عارفه اتكلم مع مين مش عاوزة اشيل جوزى الهم اكتر من كدة وعارفه انه مش مكانه الى انا هاقولوا بس الى هنا هما الى هايحسوا بالى انا حسه بيه فارجو عدم نقل الموضوع
تعبت من انتظار الحمل كل شهر انا متجوزة من سنه تقريبا رحت لاكتر من 5 دكاترة بس تعبت تعبت من الدكاترة ومن العلاج اتبهدلت اوى بس طبعا الحمد الله على كل حال انا لسه عامله اشعه بالصبغه الشهر الى فات وكان عندى امل يكون فى حمل الشهر دا بس الحمد الله على كل حال
نفسى اقول لجوزى انا حامل نفسى ابطل اسمع كلمه عقبالك نفسى اروح اقول لحماتى انا حامل
تعبت من كتر كلام الناس ونظرة الشفقه وكلمه لسه ربنا مكرمكيش
والله منا معترضه انا بس مخنوقه كان نفسى اروح سبوع ابن اخوة جوزى وانا حامل علشان مسمعش كلمه عقبالك
بحاول انسى الموضوع بس غصب عنى بلف وارجع ليه تانى بقى هو محور حياتى مش عارف افكر فى حاجه غيرة
والله غصب عنى
انا عاوزاكوا تدعولى يوم عرفات ان ربنا يكرمنى بالحمل الشهر الى جاى وان السنه متخلص الى وانا حامل
مش عاوزة احسس جوزى ان زعلانه علشان عارفه ان بيتقطع من جوة
ياااااااااااارب مليش غيرك انت القادر وغيرك ميقدرش تجبر خاطرى وتقر عينى انا وكل مشتاقه بالحمل السليم
Om El Moza Logi Om El Moza Logi 149086_3.gif سوبر فتكات Fatakat 149086 بورسعيد بس دلوقتى متجوزة فى طنطا – فى قلب جوزى وحبيبى احمد ولجين بنت عمرى