ازيكم يااحلى فتوكات
انا شفت الحاتى بيعمل الفراخ بلطريقة دى وبصراحة
ماكدبتش خبر قلت اجرب وقعدت ادعى ان الطريقة تطلع حلوة
وبفضل الله ثم الدعاء هاتدمنيها ان شاء الله لو جربتيها وهاتشرفك كمان فى العزومات
ندخل على
فراخ + 3 بصلات + 3 طماطم متوسظة + 2 خل + 2 ك زيت +2 توم مهروس+لبن رايب كوب اوكوب لبن زبادى اولوعندك لبن قاطع
هانطحن البصل والطماطم معا فى الخلاط ومعاهم الخل والزيت الزبادى او اللبن الرايب
الفراخ نقطعها الورك نصين والصدر نفس الحكاية
الفراخ نحط عليها التتبيلة اقل وقت 6 ساعات وكل ماتقعد اكتر يكون افضل ولو عندك عزومة سيبيها يومين تبقى واااااااااو
كده حطناها فى التتبيلة وعلى التلاجة
وعند الطهى ياقمرات شوفى بقى التكة دى بنحط التوابل بعد مانشيل الفراخ من التتبيلة ونحطها فى مصفاه لمدة 10 دقائق نيجى بقى نحط التوابل هم 4 مكونات فقط من غير الملح
م ص كمون + م ص زعتر + م ص زنجبيل ناعم + م ص كسيرة ناعمة والملح ونتبل الفراخ ونكون مسخنين الفرن
والشبكة بتاعة الفرن غسلنها كويس لاننا هانرص الفراخ عليها وتحت منها صنية او صاج الفرن ومغلفينة بورق فويل
وعلى الفرن ونقلب الفراخ كلى شوية
ونشوف الصور ياقمرات
بعد ساعة بقى شكلها كده وغرسنا شوكة علشان نشوف استوت ولا لاء نكون محضرين الفحمة المولعة وعلشان تدخن نقطتين زيت عليها شايفة الدخان حبيت اصوره وهوب نقفل ونكتم الدخان بسرعة
وكنت محضرة السلطة والمكرونة والبطاطس المحمرة
فعلا وعن تجربة اكتر من روووووووووووووووعة
يارب اكون افدتكم ولاتنسونى بكلمة طيبة
ولو شايفة ان الموضوع يستاهل التقييم
يبقى جزاكى الله خيرا
الحمد لله الذى اطعمنا وسقانا وكفانا وجعلنا مسلمين
مواضيع هذا القسم برعاية
omabdelmonem omabdelmonem 408220_2.gif سوبر فتكات Fatakat 408220 الاسكندريه – مصر