السلام عليكم يا فتوكاتي
امبارح كنت مش عارفة اعمل ايه قمت عملت شيش طاووك كدا بطريقة جديدة وسريعة وقلت لازم اصورها واعرفها للفتوكات
عشان هيبقى طبق سريع ومش مكلف خالص في العزومات وطعمه خطيير
نبدأ بسم الله
:
:
:
نص ك صدور فراخ أو لو في فرخة عندك ممكن تخليها وتطلعي الصدور لوحدها
بصلتين وملح وفلفل و وخل وليمون بهاراتك الخاصة بالتتبيل حسب كل واحدة بتختلف
2 حبة طماطم وقرنين فلفل اخضر او الوان
غصون روز ماري من عند العطار بتدي ريحة جميله وطعم
لو مفيش ممكن استبدالها بعصيان الشوي العادية
نتبل صدور الفرخة ونكون سايبينها من قبلها بيوم افضل ف التلاجة
نطلعها هتكون كدا واتبلت ودبلت بالشكل دا
ونقطعها مكعبات بالمنظر دا
ونكون مجهزين الفلفل والطماطم ومقطعينهم
كدا وغصون الروز ماري ونبدأ دخل قطع الفراخ والطماطم والفلفل وفي ناس بنضيف بصل ممكن بردو
ونجهز طاسة او جريل تيفال عندنا ونبدأ نحطهم على نار هادية ونقلبهم مش بتاخد 10 دقايق تسويتهم من كل الجوانب
وفي تكاية بقى بعملها بتكون كأنه مشوي عالفحم بالظبط
بولع فحمه واحطها معاهم بعد ما تحمر خالص واحط عليها نقطة زيت عشان تعمل دخان وادخن الشيش طاووك
بيها عشان يدي طعم المشوي عالفحم
وبعد كدا ارصهم في طبق التقديم والتزيين باي حاجة عندك خيار وطماطم وفلفل زي ما تحبي
ووبقدمهم بالشكل دا
إيه رأيكم
يارب تكون الطريقة عجبتكم ومتنسوش تقيمولي عشان تعبت في الموضوع والتصوير وان شاء الله اجيبلكم وصفات سريعة تانية كتيير
بحبكم في الله
مواضيع هذا القسم برعاية
بشمهندسة توتا بشمهندسة توتا 1003581_6.gif فتكات رائعة Fatakat 1003581 أرض الله الواسعة – مصر