موضوعى طويل شويه معلش استحملونى
انا حملت بعد 5 شهور من الجواز بس محصلش نصيب ومطلعش فيه نبض الحمد لله
وفضلت لحد دلوقتى بقالى 5 شهور محملتش تانى
والشهر اللى فات روحت للدكتور وقالى هناخد منشطات لان التبويض ضعيف جدا بس انا مبحبش المنشطات
قالى
طيب نستنى الشهر ده وبعدين نشوف الشهر الجاى
البريود اتاخرت كتير وعملت تحليل الحمل وطلع + موجب فرحت جدا لانى مش هاخد منشطات
روحت للدكتور بس هو كان شاكك فى الحمل بس محبش يزعلنى وادانى مثبتات
وده طبعا كان يوم الخميس باليل قعدت قلقانه لحد يوم السبت لحد مالمعامل تفتح ونزلت من البيت الساعه 8
وروحت المعمل بس للاسف التحليل طلع – سلبى شفتم العذاب اللى كنت فيه
طبعا استنيت لحد البريود ماتيجى عشان اروح للدكتور بس هى مجتش وقعدت 15 يوم قلقت وروحت للدكتور بس قالى اعملى تحليل البيتا عشان يتاكد ان مفيش حمل بس قالى انا مش بحب الادويه ومش هديكى حاجه تنزلها ونقالى التفاؤل اللى كان عنده لانى يأست جامد
وبعد يومين الدوره جات وكانت اول دوره تنزل واكون مبسوطه ومش اعيط
روحت للدكتور تانى وادانى منشطات
الكلوميد وحقنه فيستيمون والنهارده ياجماعه رايحه للدكتور عشان يشوف البويضه ادعولى
معلش انا اسفه طولت عليكم
dede ahmed dede ahmed فتكات حبوبة Fatakat 337219 المحله الكبرى – مصر