السلام عليكم ورحمة الله وبركاتة
دي أكلة انا جربتها وكانت في عزومة عندي وهي بصراحة طعمها جميل جداً
بصي يا فتوكة أنا جيبت البفتيك ودقيته بإيد الهون بسيط كده وبعدين تبلته بالبصل والملح والفلفل الأسمر والمسترده وبعدين شيلته في التلاجة وجيت تاني يوم أعملها جيبت لحمة مفرومة وتبلتها برضه بالبصل والملح والفلفل الأسمر وبقيت اجيب واحد بفتيك وأفردها في الطبق واحشيها لحمة مفرومة والفها زي المحشي لحد ما حشيت كل البفتيك جيبت فتله ولفتيها على كل صباع علشان ميتفكش أثناء الطهي وبعدين جيبت طاسة كبيرة واسعه وحطيت فيها حتة زبدة أو سمنة وحطيت فيها صوابع البفتيك ومعاه فصين توم متوسطتين قطعتهم وأبتديت أشوح فيهم شوية كده والبفتيك بينزل صوص وخلي بالك النار تبقي متوسطة يعنى مش عالية وأزود الفتيك شوية ميه وأغطيه وكل شوية أقلبه وطبعا مننساش نظبط الملح ونحط رشة فلفل وبعد لما نلاقي الميه اللي في البفتيك أبتدت تقل وبقه فيه صوص تقيل نطفي النار ونطلعه في طبق ونفك الفتله اللي لفينها على الصوابع ونقطع بقدونس في قاع الطبق ونطلع عليه البفتيك والصوص اللي باقي نرشة على الوش وبالهنا والشفا
مواضيع هذا القسم برعاية
تسنيم قلبي تسنيم قلبي images/avatars/orangeflower.gif سوبر فتكات Fatakat 256529 بلد – مصر
سبحان الله و بحمده