التصنيف: ازياء و موضة

فتوكة وافتخر فتوكة وافتخر 259033_50.gif امبراطورة فتكات Fatakat 259033 الاسكندرية – مصرية

وحشتونى

عايه أحكيلكم تجربتى

الفتره الى فاتت كنت بسألكم كتير على حد فى أسكندريه بيفصل سواريه علشان يفصلى فستان خطوبتى

ومحدش فادنى أوى وأتبهدلت لفيت كل أسكندريه الحجات الى موجوده بشعه وخاماتها بجد متتلبسش

لحد ما رحت أتيليه لقيت عنده حجات لوحتنى فدخلت قلت مستعده أدفع لحد 3000 فى الفستان مش خساره فيهم بجد

أول ما دخلت شفت موديلات وهمتنى والناس ذوق جدا

وبعد ما أخترت الموديل لقيت صاحبه الأتيليه بتقولى دا مش غالى دا بسيط جدا يتكلف مبلغ صغير مش كبير

المبلغ الصغير ده كان 6000 جنيه تفصيل .. رغم أن لاقماش الى فيه ميجيش ب 1000 جنيه والله

أنا سمعت الكلمه دى وسكت وقلتلها حفكر وحرد عليكى

لحد ما واحده صاحبتى قالتلى أنا حتصرف

وودتنى عند واحد بيخيط كان شغال مع هانى البحيرى وبعديه مصمم أزياء لبنانى مشهور بس نسيت أسمه وقرر يستقر فى أسكندريه ويبدأ شغله هو بنفسه

طبعا كنت منهاره نفسيا وعلى أخرى

وريته الموديلات وقلت حستبعد الموديل بتاع اﻷتيليه أياه علشان الوقت والتكلفه
لقيته بيختاره هو بنفسه وقالى حعملك ده قلتله طب الوقت
قالى ملكيش دعوه
طب التكلفه
قالى متشيليش هم
المهم أتفقنا
ونزل أشترى القماش وبجد خامات أحلى من الى شفتها فى اﻷتيليه 100 مره ونضيفه بشكل مش طبيعى وهو الى نزل وأختار أنا بس شاورت عالموديل وجابها بأسعار وهميه
وأبتدا شغل فيه وعملت بروفه عليه بجد الوانه ذوقها مش طبيعيه وعنده حاسه فنيه عاليه أوى بيحطها .. أنا علشان قلق أى عروسه أديتله موديل سواريه عادى ينفذه علشان أشوف حيطلع عامل أزاى وبالفعل أديتله الصوره فبقى بينفذلى موديلين واحد بتاع خطوبتى والتانى السواريه
والله والله السواريه طلع نسخه من الصوره ومقاساته كأنها متاخده بالملى عليا والسواريه كلفنى بالظبط 260 جنيه تفصيل وقماش

المفاجأه بقى أن الفستان الى قالتلى ب 6000 جنيه طبعا أكراما ليا حطالى السعر ده
بخاماته وتفصيله وكل حاجه وأكسسواراته عملهولى ب 1800
وهو الى جاب الخامات والكماليات وكل حاجه

أنا بحكيلكم تجربتى ﻷنى أتبهدلت أوى وعايزه أساعد أى حد بيمر بالموقف ده
الى حابه تعمل عنده أو توصله تكلمنى وحوصلها بيه بجد مش حتندموا

Noura Nourai Noura Nourai فتكات حبوبة Fatakat 878147 Alexandia – Egypt

فتوكة وافتخر فتوكة وافتخر 259033_50.gif امبراطورة فتكات Fatakat 259033 الاسكندرية – مصرية

ردرودي ردرودي 117809_7.gif سوبر فتكات Fatakat 117809 بنها – مصر

انا خطوبتى بعد اسبوعين وخجزت فستان من عند فريال الشاعر لو حد من اسكندرية هيعرفها هو لونه فوشيا وتطريزة على دهبى بس قبل مااقيسة كنت قست واحد تانى عندها لونة بينك غامق وطلع صغير عليا وقالتى هوسعولك لو عجبك بس كان ارخص من التانى بكتير ولما قست الفوشيا عجب اختى وعجب مدام فريال بس انا بعد ما حجزتة وروحت حسيت ان اللون التانى احلى عليا مع ان الفوشيا اغلى واقيم
اعمل ايه اكلمها اغيره ولا اتكل على الله والبس الفوشيا؟؟؟؟

hanooda80 hanooda80 420953_2.gif سوبر فتكات Fatakat 420953 فى عالم ليس عالمى – مصر

https://files.fatakat.com/2016/5/1275115406.jpg

https://files.fatakat.com/2016/5/1275115441.jpg

https://files.fatakat.com/2016/5/1275115476.jpg

https://files.fatakat.com/2016/5/1275115514.jpg

https://files.fatakat.com/2016/5/1275115550.jpg

https://files.fatakat.com/2016/5/1275115599.jpg

https://files.fatakat.com/2016/5/1275115626.jpg

https://files.fatakat.com/2016/5/1275115657.jpg

https://files.fatakat.com/2016/5/1275115682.jpg

https://files.fatakat.com/2016/5/1275115714.jpg

https://files.fatakat.com/2016/5/1275115756.jpg

https://files.fatakat.com/2016/5/1275115789.jpg

https://files.fatakat.com/2016/5/1275115813.jpg

https://files.fatakat.com/2016/5/1275115851.jpg

https://files.fatakat.com/2016/5/1275115879.jpg

https://files.fatakat.com/2016/5/1275115906.jpg

تااابع

smsm1995 smsm1995 images/flowersavatars/avatar0029.jpg فتكات جديدة Fatakat 54696 القاهرة – مصر