السلام عليكم يا فتوكات
انا النهاردة جيبلكم وصفة حتكلوا صوابعكم وراها
حد سمع قبل كدة عن البيتى فور المملح هو زى الساليزونات بس انا غيرت الاسم مع تغير شوية حجات بسيطة كدة الاكل دى اكلة شهية ومشبعة يعنى تاكلى كام واحدة وتبقى عايزة كمان بس مبتقدريش …كمان في
العزومات والاعياد الميلاد بدل متجيبيها من الفرن اعملى انت بنفسك ووريهم شطرتك كمان مكونات الاكلة دى
موجودة ان شاء الله في كل بيت هو في كام حاجة كدة تجبيهم من العطار وبس ,,,مش حطول عليكم بقى
المقادير:
¼ 1 كوب زبد لين
¾ 1 كوب دقيق
¼ ملعقة صغيرة بيكنج بودر
1 ملعقة كبيرة ملح
1 ملعقة كبيرة سكر
3 بيضات
فانيليا
2 ملعقة كبيرة زعتر
2 ملعقة كبيرة سُماق (من عند العطار)
الخطوات :-
اول حاجة يا فتوكات هى تسخيم الفرن على درجة 180 درجة مئوية
– بنخلط الزبدة مع الدقيق والبيكنج بودر والملح والسكر في العجان الكهربائي على سرعة متوسطة.
– نحط ال 3 بيضات واحدة ورا واحدة والفانيليا إلى الخليط حتى تتداخل المكونات (وكأنك بتعملى كيكة عادى جداً)
– يُقسم العجين إلى جزئيين، يُضاف زعتر إلى جزء والسُماق إلى الجزء الآخر. انا بردو كنت مستغربة في الاول وكنت بقول في نفسى اية السماق دة…..عادى عادى كلنا كدة
– يُوضع العجين في كيس الحلواني، ثم يُشكل على هيئة دوائر صغيرة أو حسب الرغبة مع الضغط الخفيف عليها.
– تُرص في صاج فرن مدهون بقليل من الزبد، مع مراعاة ترك مسافات بين الدوائر حتى لا تلتصق أثناء الخبز.
– يُرش سطح الدوائر بالشمر أو قطع الطماطم أو الزيتون الأسود المقطع يعنى دى حجات للزينة ممكن تحطى جبنة تركى او شيدر بس بكميات قليلة
– يُخبز في الفرن لمدة 15 دقيقة، ثم يُترك ليبرد.
وبعدين بالهنا والشفا ولا تنسى دعاء ماقبل الاكل (اللهم باركلنا فيما رزقتنا وقنا عذاب النار) وتسمى
حسبى لتاكلى صوابعك
ولا تنسوا الدعاء لى بأ، اتفوق في دراستى واطلع الاولى دائما يارب
ولو في اى استفسار انا موجودة وجاهزة للرد ان شاء الله
مواضيع هذا القسم برعاية
ابتسامة الأمل ابتسامة الأمل فتكات حبوبة Fatakat 1014066 مصر – مصر