في يوم من ايام الرجيم الصعبه جدا قررت بقه اني اعمل الفري
بعد شوقي طبعا اني ارجع اكل كده زي زمان
قررت اعمل سمبوسه بحشوه حلوه فقولت مفيش غير البسطرمه حبيبتي
المهم عملت السمبوسه وطلعت لذيذه قوي قوي
المقادير/ سمبوسه جاهزه- بسطرمه- فلفل رومي- فصين ثوم- بطاطسايه مبشوره-زيتون مخلل مقطع- جبنه رومي مبشوره- ملح- فلفل- بهارات مشكله- معلقتين دقيق- شويه ميه صغنين عشان نقفل السموسه
الطريقه/ نسخن معلقتين زيت في حله وبعدين نحط التوم يتحمر
وبعدين نحط البطاطس المبشوره ونقلبها شويه عشان تستوي مع البسطرمه وتاخد الطعم
وبعد شويه نحط الفلفل الرومي ونقلب
وبعدين نحط ملح بسيط والفلفل والبهارات ونقلب كويس
وبكده تكون الحشوه جهزت نشيلها من علي النار ونحط عليها شويه زيتون
وبشر الجبنه الرومي بس مش كتير برضه عشان البسطرمه والزيتون حادقين
وبعدين نحضر الميه بدقيق ونعمل بيهم عجينه شبه سايله زي كده
ونجهز السمبوسه ونحشيها بالشكل ده
وبكده نكون خلصنا وبالهنا والشفا بجد طعمها روعه وسهل جدا
مواضيع هذا القسم برعاية
بايو بايو 217901_1.gif فتكات رائعة Fatakat 217901 في قلب جوزي ومعايا ابني – وحشتيني يا مامتي