السلام عليكم و رحمة الله و بركاته
ازيكم يا فتوكات انا عارفه ان موضوعى مش جديد اوى يعنى لقيت كتير عاملين تونه فى البيت و منزلين موضوع عن كده بس حسيت ان كتير متلغبطين بين سمك التونة و سمك الماكريل و هو ده الجديد فى موضوعى و اللى اتمنى انه يعجبكم و ما يكونش ثقيل عليكم .
تعالوا الاول نتعرف مع بعض على النوعين دول من السمك عشان نعرف الفرق بينهم و ان كان فى الاساس سمك الماكريل يعتبر قريب او له علاقه بالتونه زى ما ها نشوف فى التقرير لكن مش هو التونه خلوا بالكم
سمك الماكريل
شوفوا شكله مغرى ازاى يتاكل نى مش كده :
الماكريل اسم لعدة أنواع من الأسماك ذات القيمة الغذائية العالية. ولأسماك الماكْريل علاقة بالتونة، ولحمها زيتي غامق اللون. وتصطاد كميات كبيرة منها للغذاء، ويُعلّب بعضها، ويؤكل بعضها الآخر طازجًا. وتمتاز أسماك الماكْريل بألوان جميلة منها الأزرق والأخضروعلى ظهرها زعنفتان ضخمتان. وذنبها الطويل ثنائي التفرع، ولها زعانف صغيرة على كل جانب في مقدمة الذنب
وتبدو أسماك الماكْريل أو الماكْريل الأطلسية فضية أو بيضاء من أسفل، ولها خطوط زرقاء على ظهرها. ويبلغ طولها بين 25-45سم، وتزن حوالي 1,5كجم. وتوجد هذه الأنواع في منطقة شمالي الأطلسي، والبحر الأبيض المتوسط، والبحر الأسود. وتعيش أفواج من الماكْريل على سطح الماء بالقرب من اليابسة. وعندما تجف المياه في الصيف تهاجر أسماك الماكْريل في اتجاه الشمال وتسبح بالقرب من الشاطئ. وتضع بيضها في الفترة ما بين شهري مايو وسبتمبر. ويصل عدد البيض الذي تضعه السمكة الواحدة في الموسم الواحد إلى نصف مليون بيضة. ويطفو البيض على السطح أو يعلق بالقرب منه، ويفقس خلال أيام قليلة، وتنمو السمكة الصغيرة بسرعة، وتصل لطول يبلغ 25سم في العام الأول من حياتها
المصدر
التونة
]
سمك التونة هي سمكة من أسماك المحيطات من رتبة الأسماك شبيهة الأفراخ تصنف العديد من أنواع سمك التونة بأنها من ذوات الدم الدافئ على النقيض من العديد من الأسماك من ذوات اللحم الأبيض ولحم التونة يتدرج ما بين الوردي الفاتح إلى الأحمر الغامق. تتميز سمكة التونة بأنها سباحة ماهرة و ذات سرعة فائقة حيث أنه يمكن أن تصل سرعتها إلى 77 كيلومترفي الساعة أي ما يقارب48 ميل في الساعة.
المعلومات الغذائية
يحتوي كل 100غ من سمك التونة النيء، بحسب وزارة الزراعة الأميركية على المعلومات الغذائية التالية :
السعرات الحرارية: 144
الدهون: 4.90
الدهون المشبعة: 1.25
الكاربوهيدرات: 0
لألياف: 0
البروتينات: 23.33
لكولسترول: 38
الصيد والتجارة
بسبب الصيد التجاري المكثف الذي تتعرض له التونة في الأونة الأخيرة مما أدى لأنخفاض كبير في اعدادها. وحسب الإحصاءات المتاحة فان اعداد اسماك التونة البلوفين " المتاحة حاليا في غرب الاطلنطي انخفضت إلى نسبة 20% مما كانت عليه منذ ثلاثين عاما.و يتم بحث مقترح حالي يوجب على صيادي أسماك التونة تقديم شهادات منشأ للاسماك التي يتم صيدها
التغذية والصحة
كدت إحدى الدراسات أن تناول سمك التونة مرتين أسبوعياً يساعد في منع الإصابة بالأزمات القلبيةوالسكتات الدماغيةفأسماك التونة تحتوي على زيوت غنية بمادة "أوميجا3" ومادة "إن3", وهما من المواد التي ثبتت فعاليتها في وقف ضربات القلب الغير منتظمة التي تؤدي إلى حدوث الأزمة القلبية.
و في نفس الوقت يحتوي سمك التونة على نسبة غير اعتيادية من مركبات الهيستامين التي تتسبب النسب العالية منها بظهور طفح الجلد التحسسي والغثيان عند الإنسان. وينشأ الهستامين كناتج لابد منه لعملية تكسيرالحمض الأميني هستدين الموجود في البروتينات بواسطة البكتيريا, ويكثر الهستدين في بروتين بعض الأسماك وبشكل خاص
سمك التونة. والنسب العالية من الهستامين تضر بالصحة بشكل عام وخاصة بالنسبة للأطفال والمسنين والمرضى.
لهذا يجب تجنب الإكثار من تناول سمك التونة مع المحافظة على تناول كميات قليلة منه, للاستفادة من فوائده على القلب دون أضرار قد تصيب جسم الإنسان من ناحية أخرى.
المصدر
و اخيرا حبيباتى نيجى للموضوع الأصلى انا عرافه انتم اكيد زهقتم لان هنا قسم الطبخ مش ندوات علميه ههههههههههههههه بس انا حبيت اقول المعلومة دى الأول .
كمان احب اقول لكم انى عامله التونه بسمك الماكريل مش سمك التونه لتوافره فى الأسواق طبعا .
الاول غسلت السمك كويس اوى و قطعته و حطيته فى المصفاه و حطيت فى الحله ماء و ملح و كمون (ممكن تضيفى التوابل اللى تعجبك فى الماء ) صدقونى بتفرق فى الطعم بتبقى عاةوه تاكليه مسلوق من ريحته بس . و دى الصورة
و هى دى نفس المصفاه اللى باسلقه فيها ع البخار طبعا و اغطيها كويس و اقدر اعرف انه استوى عن طريق الخله او عود الشيش طاووك زى كده
و بعدين اسيبه يبرد و انزع منه الشوك تماما خلى بالك كويس من الشوك عشان الاطفال
و بعدين اضع عليه التوابل اللى تعجبنى و اهمها الكمون طبعا و الزيت و الليمون
[ ]
هنا انا حطيته فى علبه لسهولة الهرس و التقليب
كمان انا مجهزه عندى فى الثلاجه دايما خلطة شطه زى اللى بنستعملها فى الكشرى عباره عن شطه حمراء محمراها او مقلياها يعنى فى شوية زيت لحد ريحتها ما تظهر و اضيف عليها ملح و فلفلف و كمون و معلقتين صلصة كماطم و اسيبهم يغلوا مع بعض شويه و ممكن وضع ثوم بها حسب الرغبة .
فأخدت معلقتين من الخلطه دى ووضعتها على جزء من التونه مش كلها عشان لو بتحبى الحراق الاطفال أكيد صعب عليهم
و دى صوره لطبق بالخلطة الحارة و طبق من غير الحارة و باقى التونه وضعته فى علبه فى الثلاجه للسحب منها عند الحاجه . و ممكن تحطيها فى برطمان زجاج اللى يعجبك .
مش قادرة اقول لكم الولاد بيحبوها اد ايه اكتر من اللى بينجيبها من برة كمان
بالهنا و الشفا اتمنى ما اكونش تعبتكم و كنت ضيفه خفيفه عليكم لان ده اول موضوع ليا فى القسم ده بس حقيقى استفدت منكم كتير و حبيت اشارك معاكم و لو بحاجه بسيطة زى دى
و شكرا لكل من قرات موضوعى و يا ريت اللى يعجبها تقيم عشان الكل يستفيد
و السلام عليكم و رحمة الله و بركاته
تم تعديل الموضوع يا جميلة
الادارة مواضيع هذا القسم برعاية
راجية العفو و الفردوس الأعلى راجية العفو و الفردوس الأعلى 306082_16.gif ممنوعة من المشاركة Fatakat 306082 الارض – بيت زوجى