ازيكم يا احلى فتوكات فى الكون
يارب تكونوا كلكم بخير
الاول يلا بينا نصلى على النبى عليه افضل الصلاة والسلام (اللهم صلى وسلم وبارك على سيدنا محمدا )
جيبلكم النهاردة
فيلية فراخ مشوية على الجريل
بس بصراحة جميلة جدا
اهم حاجة انها خاليه من الكرسترول
وينفع دايت
يلا نسمى الله
فيليه فراخ
ملح
فلفل اسود
سماق
جنزبيل
زعتر
شطة اختيارى
اهم حاجة لما ناجى نتبل شرائح اى نوع من انوع اللحوم
سوى كانت لحمة او فراخ او سمك او كبدة
اننا
نتبله بطريقة الرص
يعنى اية
يعنى هنجيب الطبق اللى هنتبل فيه
ونرش فيه شوية من التوابل بتعتنا طبعا من كل التوابل اللى هنستخدمها
وبعدها نضع قطعة من الفيلية
وبعدين نرش فوق قطعة الفيلية من التوابل اللى هنستخدمه
وبعدين قطعة تانية
وهكذا لحد ما نخلص الكمية
كدة هتتبل كل شرائح الفيلية كويس وهتبقى كمان مرصوصة بطريقة منظمة وتسهل علينا الاستخدم
ويستحسن اننا نتبله قبلها فترة
انا تبلتها من قبلها ب 3 ساعات تقريبا
هنجيب الجريل بتاعنا وممكن مقلى تيفال
ونسخنه كويس على النار لازم يسخن كويس
ونرشه بمعلقة زيت
لما يسخن كويس نحط قطع اليفلية
ونستوية على نار هادية
ولما يستوى من تحت نقلبه على الناحية التانية
شافين شكله عامل ازى
رووووووووعة والريحة جنااااااااااان
تعالو نشوف شكل الطبق النهائى
بسم الله ما شاء الله
الشكل جناااااااااااااان والطعم كمااااااااااااااان
ومش هقولكم على الريحة تهوس
طبعا كنت عملة معها مكروووووووووووووووووووونة
يارب يكون موضوعى عجبكم
واكون خفيفة على قلوبكم
مش طالبة منكم غير تدعوا لبابا وماما بالرحمة والمغفرة بظهر الغيب
مش لازم ترد او تقييم دا حاجة ترجعلك
بس امانة عليك لو عجبك الموضوع تدعى بابا بالرحمة والمغفرة بظهر الغيب
ربنا يرحمهم ويغفرلهم ويسكنهم فسيح جناته ويعوضهم خير عن غربة الدنيا وعذابها
اللهم امين يارب
منقووول(صنع يدى)
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية