السلام عليكم احبتي
دي ايه؟
كوسه شطار
طب ايه رايكم نبشرها كده
بالمبشره العاديه هو ده الاساس بتاعنا
حطيناها ضمن مكونات الكفته بقت كفته بالكوسه تعالو نشوف
نصف كيلو بقري مفروم وبصله كبيره مفرومه و2حبه كوسه مفرومه متوسطه الحجم ومعلقه توم مفروم والتوابل اللي تحبيها وكله ع بعضه اعجنيه تمام صبعيه صوابع او كور ودخلي الفرن
طيب ممكن نعمل بيها كمان حاجه زي العجه كده
4 كوسه مبشورين/ 3بيضه/ممكن نحط نصف كوب فيتا متفتت لو حابه /ربع كوب دقيق/ وتوابل وملح/شبت مفروم وبصله صغيره
الطريقه
كله مع بعضه ياباشا وخلي بالك من القوام يكون مظبوط لا تقيل قوي ولا سايب واتحكمي بده بالدقيق وممكن تعصري الكوسه من الميه بعد فرمها
واقليها في الزيت بالمعلقه حاولي يكونوا قد بعض
وانا بقي بحبها بكل بساطه كده
ده طبقي وهو عباره عن معلقه سمنه صغيره ع النار انزل بالكوسه شويه تدبل وانزل ببيضه واحده عليها والتوابل والملح بكل بساطه واقلب لما البيض يستوي
ع فكره الكوسه من الخضار المفيد جدا مع الريجيم ليه عشان سعراتها قليله وبتساعد الجسم ع ادرار البول والتخلص من الاملاح الزياده
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله