السلام عليكم
النهاردة جايبلكم وصفة اللانشون الاقتصادى بالبيض و الجبنة النستو اخدتها من الشيف محمود عطية ربنا يكرمه مش هاتصدقى جماله انا نفسى ماكنتش مصدقة لغاية ما جربته امبارح روعة و شكله و طعمه زى اللانشون بتاع بره بالظبط بس الفرق انه انضف و عارفين احنا بناكل ايه
المقادير :
3/4 كوب زيت
5 بيضات
3 معالق كبيرة دقيق
معلقة كبيرة نشا
3 قطع جبن نستو
2 مكعب مرقة ماجى و يفضل خضروات
معلقة كبيرة بهارات لحمة
3 فصوص توم
3 حبات حبهان
سنة لون دم الغزال(يباع عند العطار)
الطريقة:تخلط كل المقادير مع بعض فى الخلاط و بعدين نحطها فى كيس نايلون و ياريت يكون ضيق و طويل عشان ياخد شكل اسطوانةبسهولة و نحاول نفرغه من الهوا و نربطه كويس و نلفه فى ورقة فويل و نبرم الجنبين كويس اوى عشان ياخد شكل الاسطوانة و نحطه فى صينية او حلة فيها مية مش مغلية و نسيبه على النار حوالى ساعة و نقلبه كل شوية عشان يستوى من جميع الجهات و بعدين نسيبه فى التلاجة ليلة و بعدين يقطع شرائح و يقدم و بالف هنا و شفا و يارب يعجبكم و لا تنسونى من صالح دعائكم و ماتنسوش التقييم مواضيع هذا القسم برعاية
سلومة الامورة سلومة الامورة ممنوعة من المشاركة Fatakat 732218 الجيزة – مصر