نبدأ بسم الله بالحشوه الجديده بالشوفان الجميله اللي تنفع للصواني الباشميل اوحتي الرقاق والفطاير والناهرده عملتها في السمبوسه
دول ربع كيلو لحمه مفرومه فراخ وممكن تستبدليها بلحمه مفرومه عليهم ربع كيلو بسله مسلوقه او اقل مع بصله مفرومه وتومه مفرومه ومعلقتين ذبده وزيت واقلب تقليبتين وانزل عليهم بكوب شوفان حلو الكلام
واقلب انزل بالتوابل والملح ونصف كوب ميه واسيبهم ياخدوا غلوه
وده شكل الحشوه النهااائي بعد ما بقت تمام وزي ما قلنا ممكن تستبدلي مفروم الفراخ بمفرم لحمه اوحتي خليها كلها خضار مع كوب الشوفان برضوا وممكن نضيف حفنه جبنه من اي نوع بيسيح يعني رومي /ادام/ موتزاريلا ….
وبالمره نقول طريقه لف السمبوسه كمان
الاول ركزوا عشان البدايه مهمه جدا بعدين ننطلق هههه
الاول اتني مثلث وارجع اتنيه تاني عشان يبقي زي القمع كده بصوا للصوره كويس
بعدين هامسك القمع ده براحه واحط جواه معلقه واحده من الحشوه كده
بعد كده سهل خلاص كل مره اتني بحيث اقفل الناحيه المفتوحه هنلاقيها جات معاكي
وفي الاخر الطرف الزياده ده ازقه تحت اخر لفه ولا من شاف ولا من دري
بقت مثلث متساوي الاضلاع جميل زي الجاهز المهم البدايه الصح
ونقلي ياشباب زيت متوسط الحراره مع التقليب
عاوزاها مقرمشه سيبيها كده في الهواء الطلق
عوزاها طريه تبقي طلعيها في علبه ليها غطا واقفلي عليها
طبق للحبايب
وطبق كمان عشان حبايبي كتير ♥♥♥
شايفين الحشوه جميله ازاي والطعم اجمل كمان مش هاتحسي بطعم الشوفان ومش لازم تقولي للعياااااااال هههه
باقي لفه السمبوسه اول ماتخلصي تلفيه في كيس جوه كيس جوه كيس هههههه
وع الفريزر دغرررررررررري
اذا غيبت عنكم ادعولي واعرفوا انكم وحشتوني
اسألكم الدعاء لي بالشفاء وصلاح الحال ودوام النعمه
مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله