أخواتي الحبيبات
السلام عليكن ورحمة الله وبركاته
فقط لجأت إليكن لما ضاقت بي السبل واحترت .. عاوزة أسأل عن مدرسة في المعادي تقبل ابني، ويكون مستواها كويس ومصاريفها متوسطة. السنة اللي فاتت انا رحت البشاير، لكن زوجي قال دي غاالية اوي علينا. وفعلا وديت ابني مركز الاجيال اللي في اول شارع النصر. دلوقتي نفسي ادخله مدرسة يا ناس، ومش لاقية مدرسة كويسة. واحدة قالت لي ان امجاد فيها فصل للمتأخرين في التعليم، لكن لما رحت أنكروا الموضوع دة، مع ان عندهم اخصائية تخاطب في المدرسة. كمان رحت زهور الياسمين ومصاريفها 7 ونص من غير الباص واليونيفورم، وطبعا كدة مصاريفها مناسبة جدا جدا، وعجبت زوجي ، لكن ماعجبتنيش، وصعب عليا الاولاد اللي هناك. الفصول عاملينها في بدروم المدرسة وما عجبتنيش خالص. يا ريت لو اخت فاضلة فيكم تدلني على مدرسة في المعادي ويكون حد جربها وشكر فيها. ويا ريت الامهات اللي اولادهم في البشاير او زهور الياسمين يقلوا لي تجربتهم مع المدرسة. كمان عاوزة أسأل عن مدرسة سما اللي هي قريبة من كارفور. وجزاكن الله خيرا.
الحاجة دودي الحاجة دودي 441812_1.gif ممنوعة من المشاركة Fatakat 441812 المعادي – أم الدنيا وأبوها كمان