السلام عليكم
ازيكو يا احلا فتوكات
من فتره خدت كورسات فالعلاج الطبيعى
والاسعافات الاوليه
وبصراحه فوجئت
.
.
فى حجات كتير الواحد بيعملها لما تحصلو حاجه او عايز يسعف حد بسرعه بس للاسف ساعات كتير بدل ما بينفعو بيضرو
.
.
ففكرت انى اكتب شويه معلومات تنفع يعنى وقت زنقه
يارب مانحتجلها
بس عشان نساعد منضرش
وفكرت ابتدى بالحروق
لان فيه اخطاء كتير بنقع فيها
اتمنى ناخد بلنا منها
بسم الله الرحمن الرحيم
اولا:اسباب الحروق
1-الحرق بالنار(ودى الحروق الى بتحصل فالمطابخ والمطاعم)
2-الكهرباء(زى الى بتكهرب من الغساله ولا سلك عريان)
3-الكيماويات(زى المواد الكيماويه الى تسبب حروق)
4-السوائل والابخره(وطبعا دى من اكتر الحجات الى بتحصل شوربه اتكبت حاجه بتغلى وبالذات الاطفال)
5-بالاشعاع
ثانيا درجات الحروق
لازم نعرف ان الحروق درجات عشان نعرف نتعامل معاها صح
يعنى مثلا
1-حروق درجه اولى:بتبقى بسيطه شويه قلم والتلف فالجلد ظاهرى واحمرارودى الحمد لله بتلم بسرعه ومبتسبش اثر
2-حروق الدرجه التانيه:دى بقى بيبقى الموضوع اخطر شويه من الدرجه الاوله تلاقى الجلد لونه اتحول لاحمر وظهرت فقاقيع وورم والجلد بيكون تلف بشكل اكبر ودى بتحتاج تتنقل للمستشفى
3-حروق الدرجه التالته:ودى بقى ربنا يحفظنا ويحفظكم اخطرهم لون الجلد بيبقى فيه ابيض ويتفحم والجلد بيتلف ومع ذالك بيكون المها اقل تعرفو ليه لاننهايات الاعصاب بتكون احترقت ودى بقى بتحتاج عنايه مركزه وبعدها عمليات تجميل طبعاللاثر الكبير الى بتسيبو
.
.
.
كده بقى اتعرفنا بشكل سريع على اسباب الحروق وانواعها تعالو بقى نعرف نتعامل معاها ازاى ونسعف المصاب
يلا بينا
1-ابعدى المصاب عن مصدر الحريق
2-اهم حاجه تتاكدىانو بيتنفس لانو لو كان عندو مشكله فالتنفس ممكن تعمليلو تنفس صناعى ودى ممكن نتعلمها المره الجايه
3-قومى بوضع ماء بارد على الحرق لمده10 دقائق
عارفه ليه لان الماء بيقلل الالم وبيمنع تمدد الحرق للطبقات الداخليه للجلد
5-دى بقى الاهم اوعى تحطى تلج مباشرتا على الجلد خاااااااااااااالص
ده بيعمل لسعه اسمها لسعه الجليد وبتؤدى لتلف الجلد
6-شيلى الملابس الى حولين الحرق واوعى تشيلى الملابس الى على الحرق لانها غالبا بتكون لصقه فيه وانتى بتشليها هتشيلى طبقه الجلد معاكى وده اكبر غلط
7-ضع غيار نظيف على الجزء المحروق عشان تحميه من التلوث
8-واوعى تحطى خااااااااااااااااالص
معجون واخلافو من الوصفات الى كلنا عرفنها اهم حاجه فالاول الماء
.
.
.
.
طيب لو الجرح كان ناتج عن مواد كميائيه
هنعمل ايه؟؟؟؟؟؟؟؟؟؟؟؟
هقولك
1-قومى بازاله اى ملابس لامست المواد الكميائيه واغسلى المنطقه بماء بارد كتير
2-اذا كانت الماده الكميائيه حامضيه:اغسليها حوالى 5 دقائق
3-اذا كانت الماده الكميائيه قلويهزى المنظفات الجافه والمطهرات القويه:اغسليها لمده متقلش عن ربع ساعه
4-اذا كانت الماده الى بنتعامل معاها بودره زىالجير الجاف متحطيش ماء لان ده بيؤدى لتنشيط الماده وبيسبب حرق شديد
.
.
.
طب لو الحرق كان نتيجه كهرباء
هنعمل ايه؟؟؟؟؟؟؟؟؟؟؟
طبعا احنا كلنا عرفين ان جسم الانسان موصل جيد للكهرباء عشان كده بتمر الكهربه بسلرعه الى جميع اعضاء الجسم والاجهزه
1-قبل متقربى للمصاب اتاكدى ان المنطقه حوليه متامنه كويس عشان متتكهربيش والاحسن افصلى الكهرباء
2- اتاكدى ان النفس والنبض سليم ولو فى مشكله هيبقى لازم تعملى تنفس صناعى بسرعه
3-بعد كده هتتعملى مع الجرح الى سببتو الكهربه زى ما قولنا قبل كده
.
.
.
يااااه دنا طولت عليكو اوى من غير ما احس اصل الوقت معاكو بيعدى بسرعه
يارب بجد اكون قدرت افدكو ولو بمعلومه صغيره والى كانت عندو المعلومه اديه بياكدها ياريت محدش يقول مش هعرف اتعامل لان كل ثانيه بتفرق فى روح الانسان
اتمنى لو عجبكو الموضوع التقييم
والدعاء
واذا حبيتو ممكن نكمل كلمنا فى مواضيع تانيه عن حجات كتير تخص الاسعافات الاوليه والاصابات
واخيرا
::السلام عليكم::
مشمشتى مشمشتى 123858_1.gif فتكات رائعة Fatakat 123858 الاسكندريه – مصر