أنا حامل في السادس دعواتكم يتمم حملي على خير
عانيت من الحموضة بشكل فظيع من بداية حملي وجربت حاجات كتير ووصفات كتير
لبن ساقع
وزبادي
وآيس كريم
و.. و.. و..
.
.
.
.
.
وبصراحة وحمي كان على البرتقان وكنت خايفة آكله يزود الحموضة خصوصا ان اللمون بيولع صدري 
وبعدين قلت خلاص كدة كدة الحموضة مش عايزة تفارقني ومش قادرة أقاوم البرتقان
فأكلته 
.
.
.
.
.
.
.
.
.
وإذا بالحموضة
.
.
.
.
.
.
.
.
.
.
.
تختفي تماما بفضل الله
ومن ساعتها وأنا شغالة على البرتقان والحمد والشكر ليك يارب مافيش حموضة ولو حسيتها في أي وقت أجري أقشر برتقانة وآكلها تختفي الحموضة فورا بمجرد ما آكل البرتقانة
طبعا كل ما أقول لحد الكلام ده يستغرب جدا لكن والله ده اللي حصل معايا
حتى الدكتورة لما قولتلها كدة ضحكت وقالتلي خلاص خليكي على البرتقان
<<<<ملحوظة صغنتوتة>>>>
الدكتورة قالتلى أغلب الناس فاكرة ان اللبن بيعالج الحموضة لكن الحقيقة ان اللبن بيحتوي على كميات كالسيوم بتزود الحموضة مش تقللها!
وعلى فكرة اللبن فعلا بيزودلي الحموضة في الحمل سواء كان كامل الدسم أو خالي من الدسم لكن الزبادي كان أرحم منه مش بيزودها بس مش بيعالجها
<<<ملحوظة كبييييرة>>>
معروف ان الليمون والبرتقال بيزودوا الحموضة .. وأنا مش عارفة ازاي الموضوع ماشي بالعكس معايا الحمد لله طبعا أنا فرحانة اني لقيت حاجة تخلصني من الحموضة
فياريت يا بنات اللي تجرب البرتقان وما ينفعش معاها أو يزودلها الحموضة ما تدعيش عليه الله يكرمكوا ويتمم حملكوا على خير لأن طبيعة كل واحدة مش زي التانية ووحم كل واحدة مش زي التانية
pansy flower pansy flower 393086_1.gif فتكات نشيطة Fatakat 393086 الاسكندرية والقاهرة – مصر