النهاردة انا جايبلكم منشطات المبايض بالصور فيه منها طبعا اللي موجود في مصر والاغلبية مش موجودة في مصر اللي بيجلنا مصر بس المنشطات التعبانة وغير كده كمان سمعت انها بتبقى مغشوشة وان المادة الفعالة اللي فيها بتبقى بنسبة 20 % من نفس المنشطات اللي موجودة بره ياريت الصيادلة اللي موجودين عندنا في فتكات يتأكدوا من الموضوع ده وفيه برضه رجاء للصيادلة اللي معانا في فتكات انهم يحاولوا يوفروا لينا انواع المنشطات التانية اللي مش موجودة في مصر
هانبدأ بالكلوميد Clomid ابو علبة زرقاء اللي موجود في مصر ودي صورته وطبعا كلكم عارفينه
أما اللي جاي ده هو الكلوميد المستورد من شركة AVentis وكلنا بنشتيكوا من سعره الحراق اوي لأن العلبة فيها 10 اقراص بس وسعر القرص الواحد 6.5 جنيه يعني العلبة ب 65 جنيه مصري وموجود منها في مصر في الصيدليات الكبيرة وبس زي العزبي وفيه بعض الدكاترة بتقول انه افضل من العادي ابو علبة زرقا وفيه دكاترة تانين بيقولوا انهم الاتنين زي بعض نفس المادة الفعالة ونفس التركيز والله اعلم ودي صورته
وده كلوميد تاني باسم تجاري مختلف اسمه سيروفين Serophene
واللي جاي برضه اسم تجاري تاني للكلوميد اسمه سيربافار Serpafar
واللي جاي ده اخر نوع كلوميد معانا واسمه أوفينوم Ovinum
بعد كده نخش على نولفاديكس Nolvadex وطبعا كلنا عارفينه وعارفين ان المادة الفعالة اللي فيه هيا تاموكسيفين Tamoxifen وفيه منه تركيزات مختلفة ودي صورته وفيه بعض اطباء العقم بيكتبوه لمرضاهم بدل الكلوميد وبيقولوا انه مش بيزود التكيس بس طبعا اقل من الكلوميد في المفعول انا عن نفسي مش باجي عليه خالص
وبعد كده هانخش على الفيمارا Femara وطبعا عارفين انه اصلا مش معمول عشان عشان تنشيط التبويض انما الشركة المنتجة عاملاه اصلا عشان يعالج بعض حالات سرطان الثدي ربنا يحفظنا منه وعملت نشرة بتحظر اطباء العقم من كتابة هذا المستحضر لمرضاهم بهدف التنشيط وبتقول انه بيسبب تشوهات في الاجنة عاوزين راي الصيادلة برضه في الموضوع ده ودي صورته
وبكده نكونوا انتهينا من الاقراص والمرة الجاية ان شاء الله فيالجزء 2 هاجيبلكوا صور المنشطات الحقن بإذن الله
Empress Empress ممنوعة من المشاركة Fatakat 458718 الاسكندرية – مصر