مساء الفل والورد والياسمين لاحلى فتاكيت
انا انهرده هاقولكم على علاج بسيط جدا ومتجرب عشان ألم ووجع البريود الفظيع
وطبعا كلنا عارفين قد ايه الواحده بتكون تعبانه وقد ايه الالم بيكون صعب قوى قوى
وساعات مفيش اى حاجه بتنفع مهما خدنا مسكنات او بيكون تأثيرها بسيط خالص
" اما بقى الوصفه السهله البسيطه "
ودى قالتلى عليها واحده قريبتى كانت البريود عندها بتيجى بألم فظيع جدا وبعد ما عملتها بتقولى والله مش بقيت احس بأى ألم ولا وجع خالص لدرجة انى مش باحس بيها وهى نازله أصلا
" تعالوا نشوف هيه عملت ايه "
قالت لمعالج بالقرآن الكريم والرقيه الشرعيه عن اللى بيحصل ليها قبل البريود وايام البريود وقد ايه التعب الفظيع اللى بتحس بيه
" النصيحه والوصفه "
قالها تقرى سورة ( الاخلاص – المعوذتين ) كل سوره 3 مرات على ميه وتشرب منها لمدة شهر كامل
يعنى مش تشرب الا منها
وفعلا عملتها وبقت زى الفل لا فيه وجع ولا ألم ولا تعب خالص مالص
وانا هابدأ اعملها وهابقى اقولكم على النتيجه ان شاء الله
وارجو ان كل فتوكه تعملها لانها سهله وبسيطه
وكل واحده تجرب العلاج ده تيجى تقولنا ايه اللى حصل وفيه تغيير ولا لئه وايه هيه النتيجه
" ملاحظه مهمه جدا "
1- لازم تقربى بقك من الميه اللى هاتقرى عليا وتتأكدى ان نفسك بيعمل موج على الميه وانتى بتقرى
2- وممكن تقرى على كمية ميه كبيره وتحطيها فى التلاجه ولما تخلص تعملى منها كميه تانيه المهم تستمرى عليها لمدة شهر كامل
وارجو منكم الدعاء لى بالحمل وبالذريه الطيبه يا احلى فتاكيت
وارجو التقييم وإلا 
هههههههههههههههههه
واحلى واجمل وارق تحياتى
فسدقه فسدقه 23360_1.gif فتكات ست الكل Fatakat 23360 رحمة رب العالمين – عالم الظلم والطغيان