السلام عليكم ورحمة الله وبركاته
يا بنات انا محتاجة نصيحة ضروووووورى من مجربات الصيام العكسى
انا برضع وبنتى 8 شهور ووزنى 94 وطولى 164
حاولت اخس بطرق كتيررررررر بس فشلت للاسف
المهم قررت من 3 ايام اجرب الصيام العكسى
اول يوم اكلت عااااادى جدا ومن 5 قفلت بقى–جيت دوخت اوى على 9 فاخدت مشروب .محلى بعسل نحل والحمد لله اليوم عدا على خير
جيت امبارح اللى هو تانى يوم وعلى 5 برضه قفلت
وعلى 9 برضه ابتدت الدوخة
اخدت مشروب بالعسل
بعدها بساعة الدوخة زاااااادت
اخدت بيضة مسلوقةوجبنة حادقة
المهم على 12 بالليل كنت خلاااااص مش شايفة اودامى–دوخة وزغللة واضطريت اتعشى للاسف وبرضه فضلت الدوخة مستمرة فترة بعد العشا وبعدها راحت وطبعا اليوم باااااظ
النهاردة قفلت من 5
ومن شويةاخدت معلقة عسل اسود
عاوزة اكمل يا بنات وعندى ارادة بس الدوخة مخوفانى اووووى
اشمعنى اول يوم عدا وامبارح تعبت اوى كدا؟؟؟
انصحونى يا بنات بالله عليكوا–انا حاسة انه النظام الوحيد اللى ممكن اكمل عليه
اعمل ايه علشان الدوخة دى مع العلم انا قبل 5 باكل عاااااادى جدا وكمياااااات يعنى مافيش حرمان خااااااالص
وانا اصلا من ذوات الضغط المنخفض–مش عارفة الدوخة دى ضغط والا سكر واطى والا ايه بالظبط
ارجوكوا اللى عندها نصيحة ماتبخلش علية بيها
لو فشلت المرة دى كمان يبقى عمرى ما حخس
#أمل جديد# #أمل جديد# 636225_7.gif سوبر فتكات Fatakat 636225 مصر – مصر