هخش في الموضوع علطول
انا يا جماعة زايدة حوالي 15 كيلو
وزني دلوقتي 78 و عايزة اكون على الاقل 65 كيلو
المشكلة اني اتاخرت كتير عشان اخد الخطوة دي لان فرح اختي كمان شهر ولازم اخس في الشهر ده
قريت في كتب رجيم كتير و لقيت ان ممكن الواحد يخس اكتر من 10 كيلو في الشهر لو زود المجهود بحانب الرجيم يعني مش لازم لو التزمت بالرجيم اخس المعدل الطبيعي اللي هو 6 كيلو مثلا
لا انا ممكن اخس اكتر بكتير لو زودت المجهود و الرياضة
يعني عايزة اقولكم ان الموضوع مش مستحيل
احنا داخلين على صيف كل واحدة فينا عايزة تلبس و جسمها يكون حلو و فيه مناسبات في الصيف يعني لازم يكون عندنا هدف عشان نوصله
انا بتحدى نفسي و بقول اني ان شاء الله هخس في الشهر ده اكتر من 10 كيلو
عايزة جروب معايا يكون ملتزم وياخد الموضوع بجد
مش عايزة لخبطة في الرجيم لازم نلتزم هو شهر بس و نخلص
و و اللي وزنها زايد عن ال 10 كيلو هتكمل برده و اللي عايزة توقف على كده و شايفة انها كده وصلت تقدر بعدها تثبت وزنها
الفكرة انك لما تخسي 10 كيلو مرة واحدة هتديكي دفعة انك تكملي و انا عشان اكون معاكو في الصورة امنيتي الكبيرة اني اكون 55 كيلو
المهم نرجع لموضوعنا الرجيم هيكون كالاتي
الفطار
3 معالق فول او بيضة او شريحتين لانشون مع توست او نص رغيف فينو او نص رغيف ابيض
الغدا
هيكون 3 معالق رز مع طبق خضار متصفي من الدمعة و طبق سلطة و قطعة لحم او ربع دجاجة او 2 سمكة صغيرة
او 3 معالق مكرونة مع طبق سلطة ور بع دجاجة او قطعة لحمة و طبق شوربة خالية الدسم
العشا
هيكون زي الفطار
مابين الوجبات
هتاخدي 120 سعر حراري و هدي امثلة
علبتين زبادي خالي الدسم او
كوباية شاي بلبن و 6 بسكوت سادة او
حبتين فاكهة ماعدا الممنوعة اللي هي التين و البلح و العنب و المانجا
و توقفي اكل قبل النوم ب 3 ساعات
هنشرب 8 كوبايات مية في اليوم
و هنشرب قبل الاكل مشروب جامد جدا هيخسس مقاسك جداااااااااا
هتجيبي كوباية مية مغلية و تحطي عليها معلقة كمون مطحون و شريحتين ليمون بالقشر و ربع معلقة قرفة و نص معلقة زنجبيل مطحون
و تاخديها قبل الوجبات الرئيسية بتلت ساعة
بالنسبة للرياضة هنزلكم فيديوهات walk at home دي جميلة جدا و اكيد كلكو عارفينها من المدونة
هبتدي الرجيم بتاعي من يوم الاربعاء عشان ادي فرصة اننا نجمع مشتركات
و الميزان هيكون يوم الجمعة اللي بعد الجاية
نسيت اقولكو مفيش وجبة فري غير بعد اسبوعين
و اللي تدخل تقول وزنها كام و عايزة تكون كام
ها مين هيجي معايا؟؟؟؟؟؟؟؟؟؟؟؟؟؟
كليوباترا الحياة كليوباترا الحياة فتكات رائعة Fatakat 339310 مكان بعيد – ابعد ما يكون
سبحان الله و بحمده