السلام عليكم ورحمة الله وبركاته
كل عام وأنتم فى أتم صحة وأسعد حال وأهدى بال
وأنتم إلى الله أقرب وعن معصيته أبعد
ربنا يتقبلنا جميعا ويعطى كل سائلة منكم سؤلها ولا يحرمنا جميعا من بلوغ رمضان
آآآآآآآآآآمين آمين آمين يارب العاملين
انا ولدت من 3 شهور الحمد لله وربنا رزقنى بأجمل مريم
ربنا يحفظها يارب ويرزق كل مشتاقة ويقوم كل حامل بألف سلامة يارب
انا بكرية وكانت كل حاجة ماشية بفضل الله زى السكينة فى الحلاوووووة زى ما بيقولوا
كنت مركزة اوى فى حملى بوجه عام وتحاليلى وظبطت الهيموجلوبين والاملاح والصديد
وبنتى راسها بقت لتحت من اخر السادس الحمد لله
وفى نص التاسع كشفت نسا وكان كشف سهل بفضل الله
والدكتورة لقت ان الحوض زى الفلللللللللل واسع ما شاء الله
وقالت لى انتى معاكى لحححححححححححححد اول مارس
دا كان اخر التاسع بالنسبة لى .. فضلت امشى بقى وأكل تمر عشان الرحم يفتح
يوم 28-2 بقى كان عيد جوازى ههههههههههههههه
نزلت عليا علامة الولادة اللى هى السدادة والطلق استلمنى
طبعا اترعبت عشان كنت لوحدى
بالليل كشفت عرفت ان الرحم مقفول والدكتورة مصدقتش انه طلق عشان كنت متماسكة ومش بصرخ
قالت لى "روحى لسه معاكى يومين"
بس ماما قالت لها لا انا بنتى بتولد دا طلق
فالدكتورة حبت تريح ضميرها وقالت لى اعملى رسم نبض فى مستشفى جنبها
وفعلااااااااااااا لقت فى طلق شغال ونبض مريومة حبيبتى كان بينزل
طبعا كانوا هيحجزونى فى المستشفى الدكتورة رفضت قالت لى ارجعيلى تانى العيادة
كشفت نسا تانى لقت الرحم مقفووووووووووووووول ولا نص سم
قالت لى اتمشى فى الشارع ساعة
كشفت تانى ولا الهوااااااااااااا
غلطتى بقى ان طالما وضعى ماكنش خطير وفى وقت كنت اخدت ورقى وتحاليلى وشوفت رأى دكتورة تانية وهل فعلا مفيش حاجة تخلى الرحم يفتح
لان كل حاجة كانت فى اتجاه الطبيعى
الحوض واسع
والطلق اشتغل
والراس لتحت
بس للاسف اول ما خوفتنى على البنوتة قلت لها اعملى اى حاجة بدون ما افكر وجوزى كمان قلق ومعرفش يتصرف
طبعا كشفت تانى لقت برضه الرحم مقفول حسب كلامها وطلعت حالاااااع المستشفى اولد قيصرى
وهنا تبدأ المأساااااااااااااة "الجلاء الفندقى"
تانى غلطة انى صدقت بدووووووون ما اتأكد بنفسى اللى اتقال هنا من بنات سبقونى وولدوا فيها عن مستشفى الجلاء الفندقى
وانها حلوة وجميلة ونضيفة وكل حاجة فيها تمام "مش عارفة ايه كان مقياسهم فى الحكم عليها بس دى مش غلطتهم للأمانة كل انسان وليه مقاييسه كان لازم اشوفها واتطمن بنفسى"
المهم قلت خلينى فيها ومروحتش بنفسى اشوف الوضع هناك
وطبعا مروحتش غير ع الولادة وللاسف مستشفى زفتتتتتتتتتتتتتتتتتت
خسارة فيها الفلوس والله
انا دافعة 2200
متستهلش حتى 600 جنيه
حاجة تقرف
ولو هموت مش هدخلها تانى ودى غلطة بجد خطيرة
متصدقيش حاجة بالسمع
دى حياتك انتى وجنينك
انزلى واتمشى وروحى شوفى المستشفى مش هتخسرى اكتر من اجرة التاكسى بس تحمى حياتك وحياة اللى فى بطنك
لولا ان بنتى نزلت كويسة كان زمانها اتبهدلت
*أولا دخلت العمليات كده بركة لا قاسوا نبض ولا ضغط ولا كشف نسا تانى ولا اى حاجة
*ثانيا مكشفوش عليها كويس وكان عندها عضمة بارزة فى دماغها من ورا ولا شافوها ولا علقوا عليها واكتشفناها تانى يوم وكشفنا برا وطلعت طبيعية الحمد لله وراحت مع الوقت بس كانت خضة جامدة جداااااااااااا
*تالت حاجة محمهوهاش كويس ودا عملها التهابات فظييييييييعة وكانت متبهدلة
*رابع حاجة ودا الاهم واللى مش هسامحهم فيه ابدا
انهم مرضيوش يدونى مسكن بعد ما فوقت
وربنا ما يريكم كنت بتشقلب من الالم
حاجة متتوصفش
ولا اجدعها ولادة طبيعة توصف وجع فتح فى بطنك وفتح فى عضلاتك وفتح فى رحمك وأثر البنج رااااااااح
حاجة بجد الحمد لله
وكنت بمووووووووووووت عشان يدونى ابرة والبشوات مش عاوزين ويقولولى "دا طبيعى انتى كأنك مضروبة فى بطنك بسكينة"
وقومونى وانا بالمنظر دا امششششششششى
تخيلوا بقى الألم
والأفظع وفوق كل دا حموونى بميا ساقعةةةةةةةةةةة ويقولولى دا الصح وأتارى السخان بايظ
بجد انا لو بتعذب فى سجن ابو غريب ماكنش حصلى كده
كل عضلة فى جسمى بتتشنج من الميا الساقعة وانتى بطنك مفتوحة
واللى مجرب القيصرى عارف يعنى ايه شدة البطن وتشنيجة العضلات ازاى بتموت من الالم
ومدونيش مسكن غير لما روحت لكبيرة الممرضات مشششششى كان ناقص ابوس ايديها زى المدمنين وبقولها مش قاااااااادرة ارحمونى نفسى انام
لقيتها بتقولى : دا أخر أخرك ؟
قلت لها : اه
راحت اديتهانى
انتوا متخيلييييييييييييييييييين ؟؟
عارفين انى لما بفتكر اللحظة دى ببكى ونفسى بتصعب عليا جدا انى دخلت مستشفى زى دى وولدت فيها
والحمد لله انى خرجت منها على رجلى انا وبنتى
ودى الحاجة الوحيدة اللى خلتنى مطربقش المستشفى دى فووووووووق دماغهم
واللى يكمل عليكى فى الأخر ان كله عاوز "تيبس"
حتى الممرضات اللى جم الصبح واول مرة تشوفى وشهم وانتى خارجة من باب المستشفى عاوزين تيبس
شوفتوا البجاحة
بجد حاجة متتوصفش
الحمد لله الذى أحيانا بعدما اماتنا واليه النشور
اللى يغيظك انى ولدت فى الفندققققققققققققققققققى
اومال العادية والاقتصادى مستواهم ايه
اومال لو كنت ولدت ببلاش كان حصل ايه
يللا محدش بيتعلم ببلاش
خلوا بالكم الله يكرمكم
عينك بسسسسسسسسسسسسسس هى المقياس مش كلام حد مهما كان مع احترامى للجميع
خصوصا المستشفيات وخصوصا الولادة
خدى رأى صاحبتك جارتك فتوكة هنا فى كلللللللل حاجة
لو دكتور هتجربيه وتحكمى
لو أكله هتجربيها وتعرفى
لو وصفة نفس الموضوع
لكن مستشفى يعنى حياة او موووووووووووووووووووووت مفيهاش تجريب الله يخليكم
يارب يارب يارب اكبر عدد ممكن يقرا كلامى ويستفاد بيه
عشان كده والله والله والله ما عشانى انا خلاص اتقرصت واتعلمت
قيموا الموضوع مش عشانى ولا عشان دا موضوعى
قيمووووووووووووه عشان يتثبت واكبر عدد يقراه يمكن يمكن يمكن اكون سبب فى واحدة تلحق نفسها ومتقعش فى نفس غلطاتى
وعشان ابقى عادلة ومظلمتش حد
يمكن اللى حصل دا حصل معايا انا بس او اعداد قليلة
بس مجرد مجرد مجرد انه حصل معايا يبقى ممكن يحصل مع ألف غيرى
طب وليه ؟؟؟؟؟؟؟؟؟
لو ع المصاريف والله فى مستشفيات ارخص واحسن
مفيش اصعب من انك تحسى بالاهانة
اهانة !!!!!!!!!!!!!!
اه اهانة والله حسيت انى مش بنى أدمة
هو دا الشعور اللى كان مسيطر عليا وانا بتلوى من الألم وحد فى ايده يريحك ومش عاوز او بيسترخص
قدر الله وما شاء فعل
انا اخدت وقت عشان اعرف اتخلص من الشعور دا
وكل ما كنت افتكره عينى تدمع واحاول انساه
عشان كده مكتبتش الموضوع غير لما نفسيتى هديت لانه بجد أثر فيا جدا
بصة فى وشة مريم بعمرى وحياتى كلها
ربنا يقوم كل حامل بألف سلامة ويجعلها ساعة سهلة من عنده
ويرزق كل مشتاقة وزوجة بأجمل لحظة لحظة : الشرطتين
ويرزق كل بنوتة زوج صاااااااااااااالح صالح صالح مش جوازة والسلام ها
ربنا يسعدكم يارب
ولو حسيتى انك استفدتى أدعيلى بظهر الغيب ربنا يصلح حالى ويهدينى ويثبتنى
ويبعد الشيطان عن حياتى انا وزوجى ويوسع رزقه ويهديلى بنتى وينبتها نباتا حسنا اللهم آمين
أنا وكل المسلمات يارب العالمين
إضاااااااافة :
يا بنات انا حبيت اشيف حاجة عشان محسش انى بشكو قدر ربنا
او بجحد فضله ونعمته عليا
انا الحمد لله كان فى حاجات حلوة
الجرح بتاعى كان جميييييييييل ما شاء الله
مش خياطة ولا حتى غرزة من هنا او هنا
ولا اى حااااااااااجة
تجميلى فعلا وانا اللى شيلت البلاستر لوحدى فى البيت تالت يوم
تانى حاجة الدكتورة نضفت بطنى كويس فنزلت بسرعة وبدأت ترجع زى الأول الحمد لله
والاهم زى ما قلت ان بنتى بخير ودا بالدنيا وما فيها
الحمد لله حمدا كثيرا طيبا مباركا فيه
سوو ضحكة حبيبها سوو ضحكة حبيبها 513035_18.gif سوبر فتكات Fatakat 513035 فـــى أجمل قصة حب وفى أحن قلب – مصر