مساء الفل والورد والياسمين وصباح الخير لاحلى فتاكيت واحلى لمه وصحبه
انا جايبه ليكم انهرده اكتشاف مذهل لعلاج الالتهابات
واللى طبعا معظمنا بيعانى ويشد فى شعره منها ومن اللى بتعمله فينا 
حرقان والم فظيع لما ندخل التواليت وآآآآآآآآآآآآآآآآآه يانى 
وحرقان والم فظيع لما يكون فيه لقاء بينك وبين جوزك 
ده لو احنا اصلا سمحنالهم انهم يقربوا منا اساسا وبتبقى ليلتهم سوده ونفسك تقومى تخنقيه وتخلصى منه 
وطبعا لفنا على الدكاتره كعب داير 
وكل واحد فيهم احنا بالنسبه ليه فار تجارب
يعنى بالنسبه ليا الدكتوره جربت فيا كل انواع المضاد الحيوى
وكل انواع المراهم واللبوس
كل اسبوع او اسبوعين تدينى نوع غير اللى قبله
لمدة كذا شهر بلا فائده
وفى الاخر تقولى ده انتى بتدلعى
لما كنت عايزه اقوم اطبق فى زمارة رقبتها 
ففى يوم من ذوات الايام وفى جلسه مع نفسى من جلسات الامعان والتفكير فى مجريات الامور (ايه رأيكم فى اللغه العربيه الجامده دى)هههههههههههههههههههه
وقعت عينى على شئ ما ؟؟؟
ولمعت فى رأسى الفكره الجهنميه
وكانت تلك بداية الاكتشاف المذهل والعلاج الرهيب
طبعا هاتسألونى ايه هوه بقى يا ست فسدقه قولى وخلصينا بقى ]وانا هارد واقول طيب بلاش الزق ده براحه علينا شويه 
العلاج المذهل والرائع والخطير هوه :
الاكتشاف المذهل هوه :
(((((( حبوب التوم ))))))
كان سبعى وبعلى اللى هوه (جوزى ) طبعا
اشترى علبة حبوب التوم
لانه مفيد للصحه
وساعتها افتكرت لما شفتها انى سمعت دكاتره كتير بيقولوا ان التوم احسن مضاد حيوى طبيعى
وقررت استعمله كعلاج لان سبب الالتهابات اما فطريات واما بكتيريا واللى بيقضى عليها هوه المضاد الحيوى
وكانت المفاجأه المذهله :
تم القضاء على الالتهابات ولقتها فص ملح وداب
فى حوالى 3 ايام او اكتر
وكنت مذبهله من النتيجه ومش مصدقه نفسى خالص مالص مفيش حرقان
مفيش وجع ولا الم ولا هرش ولاحكه
وطبعا كله بفضل ربنا هوه اللى الهمنى بفكره العلاج بحبوب التوم اللهم لك الحمد كما ينبغى لعلاج وجهك وعظيم سلطانك
ودي صورة حبوب التوم اللى انا استعملتها فى العلاج :
وطبعا ممكن تستعملى اى نوع بس يكون من شركه كويسه
وبتاخدى منه من 3 الى 6 مرات فى اليوم
العلاج التانى :
((( الزبادى واللبن الرايب )))
انا قريت ان الزبادى فيه خمائر حيه
ومش تسألينى يا فتوكه ايه الخمائر الحيه انا قرتها كده وخلاص هههههههههههههههههههههه
وبكتيريا مفيده بتساعد على القضاء على الجراثيم والبكتيريا الضاره
فقررت استعمله مع حبوب التوم
وده تاخدى منه على قد ما تقدرى
المهم الكميه مش تقل عن علبتين زبادى او كوبايتين لبن رايب فى اليوم
وطبعا اول لما احس باى حرقان او وجع على طول ابدا آخد حبوب التوم واللبن والزبادى
وباستمر عليهم لمدة اسبوع او اسبوعين
لان كلهم فايده للجسم حتى لو مفيش التهابات
وقريت وصفه تعمليها من التوم والزبادى لعلاج الالتهابات :
وهيه انك تعصرى التوم وتاخدى عصيره وتحطيه على كوباية زبادى وتستعمليه عن طريق حقنه مهبليه وانتى رافعه رجلك لفوق وتستنى شويه
بس طبعا الوصفه دى عايزه حد جرئ وانا بينى وبينكم خوافه 
وخفت اعملها واستغربت كمان من الوصفه بس حسيت ان مفعولها هايبقى جامد
فلو فيه حد منكم جربها ياريت يفيدنا يا فتاكيت
وكمان خت حبوب التوم مع مضاد حيوى كانت كتبتهولى الدكتوره لقيت الالتهابات والحرقان والوجع راح فى خلال يوم واحد بفضل ربنا
ودى شوية معلومات عن فوايد الزبادى واللبن الرايب :
دراسة علمية حديثة أظهرت نتائجه ان لتناول ( الزبادي) دور جيد
لزيادة الجمال والرشاقة وأرجعت هذه الدراسة أن السبب هو احتواء الزبادي على البكتيريا النافعة.وفي البداية أحب أن اوضح ان للزبادي عدة أسماء مختلفة منها الخبيط واللبن الحاذر او بعض الناس تسميه الروب او الحامض.
وكما نعلم فان الزبادي في الأصل عبارة عن حليب ويتم تحويل الحليب إلى زبادي عن طريق إضافة البادئ او بعض أنواع البكتريا المفيدة وخلال فترة التصنيع والتحضين (ساعات) تتكاثر هذه البكتيريا النافعة وتصبح بالملايين وتقوم هذه البكتيريا بالإضافة إلى تركيب الزبادي بالعديد من الفوائد الصحية للإنسان وخاصة النساء , وتستخدم نفس هذه البكتريا في صناعة الاجبان .
ويجب التوضيح أن هناك ارتباطاً كبيراً بين تناول الزبادي وسلامة الجسم من الأمراض ما وجد في بعض سكان القوقاز و سكان وسط أسيا , حيث لوحظ أن هؤلاء الشعوب يتصفون بالحيوية وجمال المظهر وطول أعمارهم وقلة إمراضهم وارجع السبب إلى أنهم يتبادلون كميات كبيرة من اللبن الرائب (الزبادي) ,
فالزبادي من الوجبات الرئيسية على كل مائدة .
ولقد لوحظ أن الزبادي او (اللبن الرائب) يمتاز باحتوائه على حامض اللبن وكما هو معروف أن الوسط الحامض له دور في الحد من نمو البكتيريا الضارة ويقوم بقتلها ويحد من نمو هذه الجراثيم الضارة.
كما لوحظ أن تناول كميات جيدة من الزبادي لها دور في الحد من الإصابة بأمراض الحساسية وأمراض الرشح او أمراض البرد لذلك ينصح باستخدام علبة واحدة يومياً لمحاربة هذه الأمراض التي تنتج من زيادة الإصابة بالجراثيم والتي لوحظ أنها تنخفض مع الزبادي لأنه مضاد للجراثيم.
كما من المعروف أن الكالسيوم له دور كبير في تقوية العظام والأسنان وكما نعلم أن الزبادي غني بهذا العنصر الذي يدخل في تركيب العظام ويحد من حدوث خلال في كثافة العظام وسهولة كسره خاصة عند النساء وينصح للنساء بالإكثار منه بعد سن الأربعين وأحب أن أوضح أن نسبة الكالسيوم في الزبادي تكون عالية عندما نستخدم المنزوع الدسم وخاصة أن للدهون فيه ارتباط ببعض المشاكل مثل زيادة الوزن لذلك ننصح باستخدام الزبادي قليل او منزوع الدسم ما يوفر كمية جيدة من عنصر الكالسيوم الذي يلعب دوراً في بناء العظام والأسنان.
ويحتوي الزبادي على نسبة ممتازة من عنصر البوتاسيوم والذي يعتبر من العناصر المهمة لسلامة العضلات وخاصة عضلة القلب وكذلك له دور في تقوية الجهاز الدوري الدموي الذي يساهم في الحد من ارتفاع ضغط الدم , لذلك ينصح به لمرضى ضغط الدم
وأخيرا فان هناك نصيحة مهمة :
وخاصة للأشخاص سواء كانوا رجالاً او نساء او أطفالا او كبار السن الذين يستخدمون مضادات حيوية كبيرة خاصة المضادات الحيوية الخاصة للقضاء على الالتهابات البكتيرية أن يزيدوا من تناول الزبادي والذي يساهم في تنمية وتكاثر وزيادة تركيز البكتيريا النافعة
لان هذه المضادات الحيويه تقضي على البكتيريا الضارة والنافعه
,لذلك تناول الزبادي يساهم في الحد من مشاكل نقص البكتيريا النافعة ويحد من انقراضها مما يساهم في زيادة الصحة والحيوية وسلامة الجهاز المناعي.
رجاااااااااااااااااااااااااااء هام :
ياريت كل فتوكه منكم هاتستعمل العلاج ده تيجى وتحكى تجربتها وعمل ايه معاها
علشان يتم اعتماده كعلاج عالمى ههههههههههههههههه
وربنا يرزقكم جميعا بالشفاء عاجلا غير آجلا وبالصحه والعافيه
يااااااااااااااااااااااااااااااااااااااارب آمين
وياريت اللى تنقل الموضوع تذكر المصدر الاصلى للحفاظ على حقوق النشر والنقل والا ستعرض نفسها للمسائله القانونيه هههههههههههههههه
والف سلام وتحيه لاحلى واغلى فتاكيت مع تحياتى 
فسدقه فسدقه 23360_1.gif فتكات ست الكل Fatakat 23360 رحمة رب العالمين – عالم الظلم والطغيان