بنات
انا حابة افضفض معاكم شوبة
اما طولي 163 ووزني 81
انا زدت ال 6 كيلو دول في شهر
معرفش ازاي اكتئاب على ضغط امتحانات انا طول عمري مفسي ابقا 63 بس مبعملش حاجة غير اني بتخن عمري م خسيت كمية
وال 5 كيلو بالكتير ال بخسم كنت برجع اتخنهن علطول
عندي قلة عزيمة بطريقة غير طبيعية
ولما بفكر ف قلة عزيمتي بتخن زيادة لاني بكتئب وبعدها بقوم واكلة تاني
المشكلة ال زادت اييييه بقا !!!!
خطيبي بقا يقولي يخسي انا كنت اقل من كدة 10 كيلو لما شافني اول مرة
وبقا يقولي بهزار كرشك ومش كرشك
اتا اكتر مكان بتخن منه بطني فعلا
بس انا طليعي جدا بضايق واكره نفسي
اقووم ايييييه !!!!!!!
التهم اكتر واكتر
بقيى احس اوقات ان بطني دي مقلب زبالة فيها كل انواع الاكل على بعضبه
والله حاسة ان ربنا هيعاقبني لاني بضيع صحتي وجمالي
اجي بقا للنقطة الاساسية ال انا فاتحة الموضوع علشانها
انا خطيبي مسافر بقاله 6 شهور وجاي كمان اسبوع ومن 6 شهور وانا بقولو هخس وعاوزة اخس وغلب الاوقات كنت بتكسف اقوله اني لا عاملة رجيم ولا زفت وهتيجي تلاقيني زي مانا
المهم انب آاااااال ايه فوفت دلوقتي ونويت آأااال ايه اتلم بقا واقوي عزيمتي السكرانة دي شوية واخس
السؤال هنا بقا لبعندهم خبرة
هل من المكن اني اخس 10 كيلو ف 8 ايام بالزبط
حتى لو هعمل رياضة كل يوم ساعة
ومش هاكل اي حاجة ف مقابل ان الموضوع يكون مضمون
ولو لقيتىالردود بأن ممكن في امل هجيب رجيم قريته على مدونة هنا و نطبقه انا والعضوات اليائسات المستعجلات ال زي حالاتي
purpletulip purpletulip فتكات نشيطة Fatakat 1000042 القاهرة – مصر