السلام عليكم
1- امبارح كنت في راية وكنت هشتري لحمة موزة بس بعد ما الراجل حطها لقيت فيها حتة جامدة كأنها ناشفة يعني قديمة أو اتعرضت للهوا فوريتها له قالي دا الجيلاتين قلت له لا دي ناشفة شوف اللحمة طرية ازاي والحتة دي كمان لونها غامق بس مش بايظة بصراحة خفت أشتريها مع انها كانت حلوة وسعرها معقول بـ 70 جنيه
وما كانش عنده صدور فراخ حتى واللحمة التانية ما عجبتنيش فرحت ع المجمد فلاقيت الحسن والحسين أنا قلت مش معقولة هيجيبوا لحمة برازيلي أكيد أرخص لهم يجيبوا عجول وياخدوا منها كل حاجة لأنهم بيصنعوا حاجات كتير ومكتوب عليها مصنعة حسب الشريعة الإسلامية
المهم جبت حاجة اسمها كفتة الحاتي 900 جرام بـ 26 جنيه تقريبا أصلا الكفتة مش كلها لحمة وأنا في البيت عملت كفتة فراخ فزادت نص كيلو من الحاجات التانية ودي طبعا مش زي كفتة البيت ممكن نصها بس لحمة أو أقل فالكيلو يقف بـ 50 جنيه ولا حاجة فممكن تكون لحمة مش برازيلي
السؤالين:
1- أعملها ازاي؟ مش مكتوب عليها الطريقة، في الفرن ولا أقليها في الزيت؟
2- إيه رأيكم ممكن تكون لحمة برازيلي؟
2- جربت السمك المكرونة بعت لي ربع كيلو 5 سمكات بـ 10 جنيه، هو تحفة بس مشكلته في العمود الفقري بتاعه والشوك ممكن يبقى ليه طريقة في الأكل عشان الحاجات دي، بس بصراحة طعمه جميل جدا ويعتبر فيه لحمة كتير ما شاء الله
مستنياكم مواضيع هذا القسم برعاية
معلمة الأجيال 1445هـ معلمة الأجيال 1445هـ فتكات هايلة Fatakat 964255 القاهرة -المعادي – مصر