الكفتة دى لذيذة جدا وبيحبها الكل وخصوصا الأطفال
أنا عن نفسى البيت كله عندى وبالذات أولادى ودايما بيطلبوها منى ودى بتنفع بجانب الأطباق فى العزومات والحفلات وكمان سندوتشات فى الرحلات
المكونات
نصف كيلو لحم مفروم
بصلة كبيرة مبشورة
ملح – فلفل – بهارات
وزودى الكمية حسب عدد الأفراد
الطريقة
تخلط جميع المكونات جيدا وتترك فى الثلاجة لمدة من ساعة إلى ساعتين ثم تشكل أصابع على عود خشب من عيدان الشوى أو على يد ملعقة صغيرة
ترص فى صينية إذا كانت ستطهى فى الفرن أما إذا كانت ستطهى فى حلة على البوتجاز رصيها أدوار فوق بعضها داير ما يدور
نيجى للنقطة المهمة اللى بتدى الطعم والنكهة أحضرى قطعة فحم وضعيها على عين البوتجاز واتركيها حتى تصبح كالجمرة
أحضرى قطعة صغيرة من ورق الفويل وشكليها على هيئة سلطانية صغيرة
وضعى فيها قطعة من السمن فى حجم حبة البندق ثم ضعى فوقها قطعة الفحم المشتعلة وغطى
الصينية أو الحلة بغطاها على طول قبل الدخان ما يطير واتركيها لمد ربع أو ثلث ساعة ثم ارفعى قطعة الفويل بمحتوياتها واشعلى البوتجاز أو الفرن لتسوية الكفتة وشمى الريحة اللى تهبل وبعد كده الطعم اللى يجنن
وبألف هنا وشفا واللى تعملها تقوللى رأيها إيه
ولا تنسونى من صالح الدعاء
مواضيع هذا القسم برعاية
ساجدة ساجد ساجدة ساجد 180718_1.gif فتكات متميزة Fatakat 180718 ذكر الله – مصر