السلام عليكم ورحمه الله وبركاته
ياجماعه لو سمحتوا اللي عندها معلومه تفيدني بالله عليكم لان القلق هيموتني
انا بقالي تقريبا 12 يوم في التاسع ونسبه الهيموجلوبين 8.6 والدكتور قالي لو فضلت كدا هتحتاجي لكيسين دم
وزودلي الحديد مرتين في اليوم بدال مره
وماكتبليش على حقن ولا محاليل ولاحاجه تزود النسبه
المهم انا قلقت وروحت لدكتور تاني قالي لو فضلتي تاخدي البرشام دا لمده شهر كمان مش هيزود النسبه الا نمره واحده واحنا عايزينها تزيد نمره او نمره ونص خلال الاسبوع دا لان ممكن يحصل ولاده في اي وقت
وقام كاتبلي على تركيبه تلت حقن في المحلول غير حقن تانيه عضل غير البرشام اللي كنت باخده مع الدكتور الاولاني
وانا دلوقتي اخدت الجرعتين الحمد لله والمفروض هحلل يوم السبت تاني واروح للدكتور وبناء عليه هيحدد هحتاج دم والا لا ويحدد معاد الولاده قيصري
انا بقا عايزه اعرف اللي مرت بتجربه زي دي او تعرف حاجه تطمني ممكن العلاج دا خلال اسبوع يعلي النسبه فعلا والا هحتاج لدم برضوا علشان النسب قليله اوي وهل دا هياثر على الجنين او عليه اثناء الولاده ؟؟؟؟؟
اه والدكتور الاولاني كان هيولدني في عيادته انما التاني هيولدني في مستشفى خاص وانا دلوقتي بقيت محتاره اولد مع مين ؟؟ياريت تشوروا عليا
بالله عليكم ماتبخلوا عليا بالرد
واللي ماتعرفشي تدعيلي ربنا يقومني بالسلامه انا وبنتي على خير يارب
jeje we bs jeje we bs 768592_2.gif سوبر فتكات Fatakat 768592 ديرب نجم – مصر