السلام عليكم ورحمه الله وبركاته
انا كنت شفت هنا طريقه للفطير المشلتت علي عين ابوتاجاز من فوق لعضو انما ايه استاذه وفتوكه صحيح
فقلت اما اجرب فكميه صغيره
وعملتها وطلعت تحفه فعلا تسلم ايديها وبعتذرلها اني مش فاكره اسمها
واسيبكم مع الصور
وادي لما قطعتها شايفين ازاي حلوه ومورقه
وصورررررررررررررررره كمان
بصراحه الفكره دي نفعتني اوي خصوصا اني مغتربه ولسه مش عندي فرن
وناس كانو جاينلنا من مصر وجابولنا جبنه قديمه فكانت فطييييييييييييييره بالفطير
بالنسبه لتصوير الخطوات انا ماصورتش حاجه لاني ماكنش عندي امل تنجح
يالا شجعوني عشان ده اول موضوع ليا معاكو
الطريقه اهي وياريت تجربوها فعلا
اول حاجه جبت شويه دقيق بتاع كوبايه كبيره كده وشويه ميه وبس وعجنتهم وقسمت العجينه علي 3 كور بتها ترتاح عشر دقايق لربع ساعه كده وبعدين
اول واحده فردتها علي دقيق لحد ما اتفردت خالص وبقت رقيقه ودهنتها سمن وزيت ولو اتقطعت منك مش مشكله وبعدين طبقتها زي الظرف وبعد كل طيه بدهن برضه سمن وحطيتها علي جمب
نيجي للكوره التايه نفردها برضه اوي وندهنها سمن وزيت ونحط الظرف الاولاني في النص ونطبق العجينه التانيه برضه زي الظرف وبرضه بين الطيات بندهن سمن
والكوره التالته نفس الحاجه نفردها اوي وندهنها ونحط في نصها برضه العجينه اللي طلعت ونقفلها ظرف وندهن وشها سمن (دايت بقي ههههههههه)
وبعدين جبت طاسه فيها رشه سمن بسط اوي وبططت العجينه فيها لحد ماخدت شكل الطاسه وولعت عليها وسط لا عالي ولا واطي ولما احمرت قلبتها وبس
يارب تكونو فهمتو مني حاجه
مواضيع هذا القسم برعاية
veroo veroo 661540_2.gif فتكات هايلة Fatakat 661540 شكلها اقامه – انتي جايه ملفي اقامه ولا فيستور