السلام عليكم ورحمة الله وبركاته
ازيكم حبايب قلبى ان شالله تكونوا بألف صحه
النهاردة عملت صينية المسقعه باللحمه المفروووومه وااااااااااااااااو بجد والله ريحتها قلبت البيت
ودى صورتها قبل لما ادخلها الفرن
يلا ندخل على المفيد عقبال لما تطلع من الفرن
انا جبت كيلو بذنجان وقطعته وغسلته ونقعته نصف ساعه فى ماء وملح وخلال وقت النقع هعمل الصلصه واعصج اللحمه
اول حاجه لعمل الصلصه عصرت نصف كيلو طماطم وفرمت راس ثوم ويادوب لونها يصفر فى ملعقتين زيت واضع عليها عصير الطماطم وملح وكمون وفلفل واسيبها تتسبك شويه صغيرييييين
بعدين لعصاج اللحم قطعت بصله كبيرة وحمرتها فى شوية زيت ذرة وضيفت عليها اللحمه وسبتها لما المايه اللى نزلت منها نشفت وضيفتلها الملح والفلفل
بعد كده قليت البذنجان فى الزيت وصفيته على ورق المطبخ علشان متبقاش مليانه زيت
جبت بقى الصينيه وحطيت فيها مقدار من الصلصه ورصيت نصف مقدار البذنجان وعليه مقدار من الصلصه وبعدين العصاج وعليه باقى مقدار البذنجان وعليه باقى مقدار الصلصه
وعلى الفرن لمدة تلت ساعه مع العلم ان كل المكونات كده مستويه هندخلها الفرن علشان تاخد لون بس خلاص
وده كان الشكل النوهائى
يلا بقى يا احلى بنات عاوزة التقيييييييييم الحلو اللى اتعودت عليه منكم وربنا يخليكوا ليه وترفعوا من روحى المعناويه كده على طوووووووووول
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده