اللانشون:
طبعا كلنا بنحب اللانشون وانا لا ممكن ابداً ااكل ولادى لانشون من بره اه كله الا كده تعالى بقا يا عثليه خدى الوصفة دي انضف واطعم وامان عشان معموله بإيدك
المقادير:
ربع كيلو صدور فراخ مخليه – 5 بيض – 5 معلقة كبيرة دقيق – نص كوباية زيت – 5 فصوص قلب حبهان (ممكن بالقشر بس يتطحن اوى) – حبوب فلفل اسود صحيحة – رشة فلفل اسود مطحون– 3جبنة مثلثات – 2 مكعب مرقة دجاج (حسب الرغبة) – اي لون احمر مصرح بيه – 5 فصوص توم – ربع معلقة صغيرة ملح – زيتون شرايح
الطريقة:
تضربى ف الخلاط البيض والدقيق والجبنة والزيت ومكعبات مرقة الدجاج والوان والفلفل المطحون والحبهان المطحون والتوم (يكون مدقوق الاول)
تفرمى الفراخ وتضيفى عليها الخليط وتضربيهم ف الكبة ولو حسيتى ان العجينة سايلة ضيفى عليها رشة دقيق ورشة بقسماط وبعدين تضيفى على العجين الزيتون وحبوب الفلفل وتلفى العجينة على كيس نايلون وتخرجى الهوا كويس منها وتقفلى الكيس كويس جدا جدا وتحطيه ف فويل وتلفى وتنزليه ف مية مغلية فيها ارنفل وحبهان ولوروا وارفة وكرفس وجزر وتسبيها ساعة وربع وتصفيها وتسبيها تبرد خالص وهوووووووووب ع التلاجة تبات زى ماهى ملفوفة متفكيهاش نوهائى نوهائى وتانى يوم افتحيها وقطعى وبالهنا والشفا
ملحوظة:
*ممكن تستبدلى الفراخ باللحمة وبنفس الطريقة بس اللحمة تكون حمرا يعنى خالية من اى دهون
*وطبعا لو هاتعملى لانشون لحمة يبقى تستبدلى مكعبات مرقة الدجاج بمكعبات مرقة لحمه
*ممكن تزودى كمية اللحمة او الفراخ لحد نص كيلو وبنفس المقادير ومتنسونيش بدعوة حلوة مواضيع هذا القسم برعاية
هيا هيوية هيا هيوية 1193870_1.gif فتكات متميزة Fatakat 1193870 الاسكندرية – مصر
سبحان الله و بحمده