السلام عليكم يافتوكات انا النهارده جايبالكو طريقة عمل الشاورمه زي بتاعة المحلات ووالله احسن كمان الطريقه دي شوفتها مع الشيف علاء الشربيني والله بجد تحفه بس معلش انا معرفتش انزل الموضوع بالصور والله غصب عني انا مش بعرف احمل الصور من الموبايل على الكمبيوتر المهم ندخل بقى على الشاورمه ونشوف مقاديرها ..(نصف كيلو لحم +قطعة ليه حوالي خمسين جرام+2كوب زبادي+نصف كوب عصير برتقال +نصف كوب عصير ليمون +فنجان خل +4فصوص ثوم+بصله كبيره ) نشوف بقى التوابل اللي هنحتاجها (فلفل اسودحصى +ورق لوراصحيح +حبهان +قرفه +كبيبه صيني +خولونجان +روز ماري ) وعشان نحبشها هنحتاج (2ثمرةفلفل اخضر او الوان +2ثمرة طماطم +بصلة متوسطه) يلا تعالوا بقى نشوف الطريقه .. هنقطع اللحمه شرايح طوليه وتكون رفيعه جدا وعشان تبقى سهله في التقطيع جمديها الاول وبعدين اقطعيها .. الليه كمان جمديها وبعدين ابشريها هتبقى عامله زي المفرومه بعد ما بشرتيها اركنيها على جنب هنعوزها كمان شويه ..هنبشر البصله ونسيبها لحد ما تنزل ميتها ..هناخد الفلفل الاسود الحصى وورق لورا والحبهان ونطحنه في الكبه مع بعض ..هنجيب بقى الخلاط بتاعنا وبعدين هنحط فيه الثوم+الزبادى+البرتقال+الليمون+الخل+مية البصل+شويه صغيره مش كتير من بشر البصل +البهارات المطحونه+باقي البهارات ولو لاقيتي عند العطار بهارات شاورما هتيها وحطيها ..خدي بقى التكه دي هاتي في طاسه ناشفه فلفل اسود حصى +حبهان حصى +ورق لورا صحيح وحطيهم على النار لحد ما يتلسعوا او يقربوا يتحرقوا ماتخفيش دي بتخلي الطعم تحفه المهم تاخديهم وتحطيهم فى الخلاط وتضربي كل حاجه في الخلاط عشان يبقى الخليط متجانس وبعدين انزلي بيه على اللحمه وسيبيها تتبل مش اقل من 6ساعات والافضل تعمليها قبلها بيوم..بعد كده هاتي طاسه وسيبيها تسخن قوي على النار وبعدين حطي فيها اللحمه بعد ماتصفيها م الخليط وقلبي كل شويه لحد ماتستوي ..هنقطع بقى الفلفل الاخضر والبصله لشرايح طوليه وهنجيب طاسه ونحط فيها الليه ونحطها على النار لحد ماتسيح وبعدين نحط الفلفل والبصل ونديهم تشويحه وبعد كده نضيف عليهم اللحمه اللي استوت ونطفي النار وبعدين نجيب الطماطم ونقطعها مكعبات بس بعد ما نشيل البذر بتاعها يعني احنا عايزين لحم الطماطم بس وبعديين نقطع البقدونس ونضيفهم بقى على الشاورما في الاخر وبعدين هاتي فحمه وريحيها قبل التقديم وبالهنااااااااااااااااااااا ياريت الطريقه دي تعجبكم وبالله عليكم ماتنسوش التقييم مواضيع هذا القسم برعاية
Nona 2024 Nona 2024 911639_5.gif فتكات متميزة Fatakat 911639 القليوبية – مصر
سبحان الله و بحمده