انا بعتذر عن تاخيرى عليكوا فى المواضيع فى ناس كتير عارفه موضوع اخويا
امانه اللى تدخل الموضوع نسالها الدعاء له بفك الكرب وان ربنا يرده سالم لاولاده يارب
نبتدى بقى موضوع الخلطبيطه هى اكله انا اخترعتها وابنى الله يبارك فيه هو اللى اختار الاسم لان كان فى كارتون بيحبه قوى بتاع الفار اللى بيطبخ طبخ طبخه مره لواحد ناقد وكانت مامته دايما تعملهالهوهو صغير وهو اتبسط قوى لان دى اكتر اكله بيحبها واقتنع ان الفار طباخ جامد
فبما ان دى اكتر اكله بيحب طعمها وانا اللى بعملهاله فهو سماها خلطبيطه بالصلصه على اسم الاكله فى الكارتون ودى كانت قصه الاسم
هى اكله موفره وجميله ماشاء الله وبتنفع وبترمى كميه كبيرة وكلها خضار جميل الولاد بيحبوة
اولا دول كام صوباع سجق كانوا فاضلين منى( ممكن تنفع بالهوت دوج كمان يا بنات وهميه او السوسيس اللى موجود يسد ) + بطاطسيه + 1 فلفل + بصله + 3 بيضات
وبعدين نشيلهم على جنب ونزود الزيت شويه صغيرة ونقطع بطاطستين شرايح ونزلهم يتشوحوا شويه
كدا بياخدوا طعم السجق
وبعدين ننزل ببصله كبيرة متقطعه جوليان او على شكل شرايح كبيرة كده
وبعد ما تدخل فى السوا نضيف فلفل واحده فلفل اخضر متقطع الوان
وبعدين 2 طماطام وسط برده متقطعه نفس التقطيعه
ويدوبك يبتدى يدبل نرجع السجق تانى
وبعدين 3 او اربعه بيض بنزلهم على الصينبه بالشكل ده من غير ضرب لا كل بيضه فى جنب ويدوبك نشكها بالشوكه كده علشان تسيل
وما ننساش ملح وفلفل
كده
ونسيبه يمسك سنه بسيطه يجى دقيقه كده
وبعدين ندخله الفرن 5 او عشر دقايق بالكتير
ودا شكلها بعد ما طلعت وبتقطع قطع كده وبتتاكل بالعيش تحفه والله جربوها مش هتندموا ابدا باذن الله
ودى صورة للقطعه بتطلع بقطعتها
دى صورة لما مشينا بالسكينه جوا القطعه فيها من كل حاجه وماتنسوش التوزيع لانه بيفرق كل قطعه يبقى فيها كل حاجه
[CENTER]وفى الاخر كالعاده اللى شايفه الموضوع هيفيد حد وممكن اخد ثواب عليه وعايزة تشارك ترفع الموضوع او تقيمه بالنيه دى وتبقى شريكه فى الاجر باذن الله تعالى
والباقى كفايه عليا انه استفاد
ويمكن دى اول مره اطلب منكوا حاجه بالله عليكوا لا تخزلونى اسالكم الدعاء لاخى نور عينى ربنا يرده سالم غانم لبيته واولاده عل تصادف ساعه استجابه من واحده فيكوا ربنا يفك كربنا بحق دعوتها
وفى الاخر رددى يافتوكه واملى كتابك [/center]
] مواضيع هذا القسم برعاية
ام هيما وبيرى ام هيما وبيرى فتكات رائعة Fatakat 606244 cairo – egypt