بسم الله الرحمن الرحيم
يا جماعه انا اول مره اكتب ولكن كنت على طول بتابع المدونة كله
انا دكتوره اسنان واثناء دراستنا بالكليه اهم شئ اتعلمناه هو التحكم فى انتشار العدوى { يعنى فيروسات وبكتيربا واى حاجه تسبب انتقال الامراض }
احب انبه كل السيدات والبنوتات اللى بيهتموا بجمالهم وانا منكم ان حضرك لما بتروحى للكوافيره او تجيبيها عندك فالبيت …..
انك اكيد هاتحيى تشيلى شعر الحواجب الزياده وده باستعمال الملقط اللى هو اله معدنيه ولو هو مستعمل قبل كده لواحده قبلك واتعورت او اتخربشت او شعرايه من شعر حواجبها نزلت دم حايجى فالملقاط ده زائد انه هيتمسح فى ايد الكوافيره اللى بتعملها حواجبها وبتساويها بايديها و بتنفض الشعر اللى بتشيله بايديها كمان بتساويهولها بالمقص وفى كوافيرات بتساوى بالموس ومن جهلهم ساعات بياخدوا نفس الموس تانى يشيلوه بكملوا بيه لزبونه تانيه او استخسار……
نيجى للمهم الدم ده لو ملوث باى فيرس لو عملتلك انتى بعدها ممكن يتنقلك اى مرض لاقدر الله لو انتى كمان اتعورتى بنفس الطريقه وشوفى بقى الكوافيره بتعمل لكام واحده فاليوم
يبقى الحل ايه ؟؟؟؟؟؟؟؟
كل واحده تاخد معاها الملقاط بتاعها لاستعمالها الشخصى بس وبعدها تبقى تطهريه بالكحول او لما تروحى البيت او حتى استخدمى برفيوم وياريت تطلبى منها انها تغسل ايديها قبل ما تعملك حواجبك او تديها جيل مطهر تمسح بيه ايديها والجيل ده فيه منه علب صغيره تحطيها معاكى فالشنطه وده اضعف الايمان وممنوع الموس من عندها خالص
ولو زمزئت وقالت لك مبعرفش اعمل غير بملقاطى قوليلها وريهولى اجيبلك زيه بالظبط
ثانيا: البديكير
احسنلك اعمليه فالبيت عشان برده المبرد بيعور وبينزل دم وده المصدر الاساسى للعدوى وما ادراكى الامراض المنتقله عن طريق الدم
{ الايدز و الاتهاب الكبدى الوبائى فيرس A,B,C} وبلاش تخليها تشيل الطبقه اللى ناحيه خروج الاظافر لان دى طبقه بتحمى اللحم من دخول البكتريا ليه لو اتشالت من البديكير وجيتى غسلتى المواعين او اى حاجه هايدخلها بكتيريا وهاتورم وتلتهب وهى لانها مش بتكون متعلمه بدرجه كافيه بتسميها جلد زياده ولازم نشيله ……لوسمحتى ماتسيبيهاش تشيلهولك اطلبى منها كده
الصحه يابنات ما تتعوضش واى مرض حاينتقل لكى ممكن ينتقل كمان لزوجك بعد كده ولان دى امراض فالدم حايكون عن طريق الجماع طبعا واحنا بنحاول نخلى بالنا على قد ما نقدر
وربنا يحفظنا من كل شر جميعا وكل واحده تعرف المعلومات دى ياريت تفهم صديقاتها وجيرانها وبناتها لان ده وعى صحى وكلنا بنفهم بعض الصح عشان الامراض ما تنتشرش من الجهل بالمعلومات الصحيحه
على فكره انا سالت واحده اجنبيه عن الصالونات {الكوافيرات} بره وقالت انهم بيعقموا ادوات شغلهم طبعا لان ده من اساسيات انتشار الامراض
وجزاكم الله خيرا وارجو الاستفاده
tamatem84 tamatem84 577060_2.gif فتكات حبوبة Fatakat 577060 اسكندريه – مصر