بسم الله الرحمان الرحيم
السلام عليكم ورحمة الله تعالىى وبركاته
اليوم حضرت لممتى الغدا ودا هيفجيئها لأنه انا ديما برجع المسا بس النهار ده مكانش عندي محاضرات كتير فقولت ارجع البيت قوام و اعملها مفاجئه اصل مامتي مدرسة ومتلحقش تعمل غدا يدوب تعمل اومليت وسلطة ع الخفيف وتشتري شوية جبنة ولانشون المهم بلاش رغىى كتييييييييير و شوفو انا حضرت ايه..
.
.
.
.
دورت في الفريزر لقيت فاضل شوية سمك لي سبادون وكمان حتة كفته طلعتهم.. وقمت قشرت البطاطس وقطعتها عشان اقليها
قليت البطاطس وسبتها على جنب
كانت الكفته والسمك خدو حرارة المطبخ ف بشرت البصلة والتوم هرسته وحطيتهم ع الكفتة مع شوية ملح وفلفل اسود وكمون
خلطت الكل مع بعض وشكلت كراة
قليتها في الزيت وسيبتها على جنب
ملحت السمك وبهرته بشوية فلفل اسود وكمون هو كمان وغطيتو بطبقه من الدقيق
وفضلت اقلبوا لغاية ما خد اللون الذهبي من الجيهتين
قمت بشوي الطاطم على النار مباشرة
وبعدين قشرتها وقطعتها
في مقلاة فيها شوية زيت حطيت الطماطم المصبرة مع رشة سكر عشان تعدل نسبة الحموضة قلبتها في الزيت شوية وضفتلها الطماطم المقطعة وشوية ملح وماء
بعد ما خدت غلوة رميت فيها الكفتة المقلية وسبتها تتسبك ده شكلها
حضرة السلطة سلقت بيضتين وقطعت الخس و البصل و الطماطم وحطيت ملح وزيت وخل قلبتها وحطيت من فوق البيض والزيتون ده شكلها
ودا شكل السمك مع البطاطا المقلية
هو دا الغدا للنا عملتو ايه رأيكو يا فتوكاتى هيعجبها..؟ هااا؟ زمنها على وصوووووول
مع السلامة يا قمرات سلااااااااااااااااااام
اوعىىى يا فتوكه تخرجىىى قبل ما تقووووولىى رأيك
مواضيع هذا القسم برعاية
أمْ إنصّاف أمْ إنصّاف images/flowersavatars/avatar0001.jpg سوبر فتكات Fatakat 776545 قلب جوزي حبيبــى – مملكة حبــى الأبدى