مساء الفل عليكم
انا طبعا من عشاق سالي فؤاد
وعملت تورتة الكيت كات اللي هي عملتها بس انا عملت مقاس صغير
اولا الكيكة
عملت كيكة الشاتو بتاعتها برضة
لو عاوزين المقادير والطريقة اقولها
مقادير الكيكة للي سال
كوب زيت
كوب لبن
كوب سكر
معلقتين كاكاو خام
حتضربيهم في الخلاط كويس جدا لحد ما قوامها بيتقل بتبقي زي الشيكولاتة السايحة والسكر بيدوب
حتصبي كوباية تخليها علي جنب والباقي لسة في الخلاط طبعا حتحطي علية بيضتين وتكملي ضرب بعدين تصبية في اناء وتضيفي علية 2 كوب دقيق وكيس بيكنج بودر ولما تطلع من الفرن وتهدي شوية بتسقيها بالكوباية اللي كنا خليناها علي جنب
وبعدين قسمتها نصين وشربتها الصوص كل نص عشان تبقي طرية
الحشو بقي عملت الجبنة الكريمة ضربتها مع سكر البودرة والكاكاو اللي هو طريقة فروستينج الكب كيك طعمها وهمي كدة
وغطيت الكيك من برة بالنوتيلا وبعدين رصيت علية الكيت كات وعالوش الشيكولاتة الملونة
وزينتها بشريط الساتان
بس مش قادرة اقولكم تحفة شيكولاتة فشيكولاتة حاجة كدة ترفع المود 
مواضيع هذا القسم برعاية
منورة بيتى منورة بيتى 874625_5.gif فتكات ست الكل Fatakat 874625 alexandria – egypt