السلام عليكم ورحمه الله وبركاته
انا ملحقتش اصور الخطوات كلها للاسف ان شاء الله المره الي جايه هصور الخطوات كلها وانزلها
المقادير
3/4 كوب دقيق
6 بيض
كيس فانليا
ملعقه بيكنج بودر
كوب سكر بودره
رشه ملح
للتزين
علبه كمبوت مشكل
2 كيس كريم شانتيه او علبه كريمه حلويات ونضربها مع ربع كوب سكر بودريه فالخلاط
الطريقه
نضرب بالمضرب الكهربائي 3 بياض بيض مع ربع كوب سكر البودره 10 دقائق حته يصبح كريمي ونضعها في وعاء
نضرب ال 3 صفار البيض مع ال 3 بيضات كاملين مع باقي سكر البودره والفانليا لمده بردو 10 دقايق يبقا بردو كريمي
ننخلي الدقيق مع البيكنج بودر والملح
نحط البياض والسفار علي بعض والدقيق ننزلو براها ونقلبو بمعلقه من تحت لفوق يادوب ندخل الهواه في وبس مش بالمضرب خالص
ونحضر صنيه فيها حتت سمنه سايحه كدا عشان الكيكه متلزقش
ونسخن الفرن علي درجه حراره 180 نحط الصنيه لمده 15 دقيقه
ملحوظه
ممكن تحطي العجينه في صنيتين صغيرين وممكن تستني لما تطلع وتقسميها نصين بالسكينه انا بقسمها الصراحه
التزين ده بصرحه طرقتي انا مش منال
بعد متطلع ونسبها تبرد عشان متفرفتش منك نقسمها بالسكينه او لو عامله صنيتين يبقا افضل حيتحطو الاتنين فوق بعض وخلاص
نسقسق الي تحت بالمياه الي موجوده في الكامبوت ونحط حبه فواكه وكريمه وبعدين نحط الجزء اي فوق وبردو نسقسقها بمياه من الكامبوت او شربات او جيلي اي حاجه تحبيها ومتاحه عندك
ونحط بقا الكريمه بحيش انها تملاها من فوق حسب رغبتك في شكلها والجناب وبعدين نزينها بالفواكه مواضيع هذا القسم برعاية
jessica59 jessica59 220370_1.gif سوبر فتكات Fatakat 220370 alex – egypt