طبعا أنا كنت كتبت من فترة هنا أسألكم على مدرسة للدمج وللأسف ماعرفتش أوصل لنتيجة مرضية في الموضوع دة، يعني بالعربي مالقيتش مدرسة أرضى إني أدخل ابني فيها وائتمنهم عليه. وزي ما قلت لكم قبل كدة على الأخصائية اللي بتيجي لمحمد، قلت بردو مش هابخل عليكم بالتجربة بتاعتي مع الحضانة ولو إني لسة يا دوب في الأول خالص معاهم.. وبقالي يوم واحد بس هناك.
كنت سمعت مرة عن حضانة دمج في شارع متفرع من شارع النصر اللي في المعادي الجديدة، فقلت طب ما أحاول أدخل محمد محمد فيها، وفعلا رحت أول امبارح (اللي هو 1 يناير 2024) وعملت إنترفيو والحمد لله قالوا هيدخلوا الولد هناك. عندهم أخصائية احتياجات خاصة هي اللي بتعمل الانترفيو، وهي كمان بتيجي للولاد وتشوف ايه اللي ناقصهم سواء من الناحية الاجتماعية أو الأكاديمية وتعلمهم يعملوه. الحضانة دي فيها فصل للاحتياجات الخاصة، لكن بإذن الله تعالى يكون فيه دمج أثناء البريك وفي آخر اليوم الدراسي أثناء انتظار الأطفال لأولياء الأمور علشان يروحوا. لسة ماعنديش معلومات كتير عنها لكن أنا مستبشرة خير بإذن الله من منطلق "تفاءلوا بالخير تجدوه." أنا دايما يا جماعة باقول أخبار ابني على العام رغم خوفي من الحسد، لأني فعلا باحس بحرقة قلب كل أم فينا هنا على ابنها، وازاي بنفضل نبحث عن مكان مناسب ليهم وبردو مش بنلاقي. لو أي واحدة من سكان المعادي عاوزة أي تفاصيل عن الحضانة أكيد أنا تحت أمرها، ويا رب يشفي أولادنا ويرزقنا جميعا أجر الصابرين.
الحاجة دودي الحاجة دودي 441812_1.gif ممنوعة من المشاركة Fatakat 441812 المعادي – أم الدنيا وأبوها كمان