السلام عليكم ورحمه الله وبركاته..
انا حلمت ان انا وماما ومحمد ( ده ابن عمي وكان مكتوب كتابنا وانفصلنا) بنشتري سجاد لشقتي انا ومحمد و واحنا بنشتري هو كان بحالته اللي كانت وقت الانفصال في الحقيقه ساكت كده ومش حاسه هو فرحان ولا لا وكده وتقريبا اشترينا وانا سبتهم وسبقت ع البيت بس انا مشيت متضايقه منه وركبت تاكسي للبيت واول ما نزلت فجأه لقيت كأن السواق ده هو ولقيته بيضحك كده وبيقولي بلاش تكشري كده وتزعلي مش بحب اشوفك كده فرديت عليه ان انت السبب وانت اللي بتضايقني لما بحسك مش فرحان فقالي لا والله فرحان وفضل يصالحني يعني لحد ما رديت وبعدين سبته وداخله البيت فحضني من ظهري وبعدين قولته خلاص بقي زمان ماما واحمد ( ده اخويا ) راجعين وهيشفونا كده وبس صحيت .. بس محمد ف الاول واحنا بنشتري السجاد كان بشكله الحقيقي لكن لما كان اللي سايق مكنش شكله محمد ف الحقيقه كان واحد شكله عادي مش وحش بس كان حلو ف اسلوبه وبيحبني وحسيته محمد عادي يعني ف الحلم كنت حاساه ان هو ده محمد اللي اعرفه بطباعه الحلوه وكده..
الحاله الدينيه للكل الحمد لله ملتزمين الي حد ما بس احمد شويه بيقطع في الصلاه.
الحاله الاجتماعيه كان مكتوب كتابي وانفصلنا.
احيانا اسمع الرقيه لكن مش دائما .
احيانا اعاني من الهموم.
حلم عادي.
وفي حاجه اخيره كمان بحلم كتير اليومين دول ان احمد اخويا يقولي محمد اتصل بيا وطلبك مني وساعات يقولي بس انه اتصل بيه وكمان شفت ماما مره بتقولي انه اتصل بيها .. ف مش عارفه ده معناه ايه؟؟
Rab3awia Rab3awia فتكات متميزة Fatakat 991458 القاهره – مصر