السلام عليكم ورحمة الله وبركاته
أنا من فتره يا بنات حلمت بخاتمين ذهب وكن علي واحد منهم حته عجينه فأنا قلعت الخاتم وشلت العجينه ورجعت لبسته تانى.
المهم ان انا بعت لشيخ الحلم ده وقالي هيتقدملك اتنين واحد منهم حاجه زي مهموم او كثير الكلام يعني حاجه زي كده (الخاتم اللي عليه عجينه)
وبعديها كده بكام يوم واحده جت كلمتني علي واحد يعني عايز يتقدملي وكده انا روحت البيت وماقولتش لحد خالص خالص وقعدت ادعي يارب لو ليا خير معاه اقسمهولي ولو ماليش خير فيه ابعده عني من غير مايدخل البيت لاني ضعيفه وممكن اوافق حتي لو فيه عيوب مع العلم اني علي طول بدعي ان ربنا يرزقني زوج صالح اوي يعيني علي طاعه الله المهم جه في بالي ان هو ده تفسير (الخاتم اللي عليه عجينه) وسكت علي كده.
بعد يجي شهرين كده رجع الموضوع يتفتح تانى المهم برده استخرت ربنا وحلمت في يوم (اني كنت ماشيه عند سلم شقه ولقيت اسوره ذهب وكوليه ذهب برده وعقد من الخرز المهم انا قعدت اقول علي الاسوره والكوليه دول دهب واللا مش دهب وشويه اشوفهم بيلمعوا ودهب ومره لا المهم في الاخر انا قربت عليهم عشان اخدهم وصاحبهم لما يعوزهم يبقي يسأل عليهم وانا هديهملوا احسن حد يسرقهم وبعدين قلت لنفسي لا احسن الشيطان يوزني ويقولي اسرقيهم وماقولش انهم معايا وبس ومشيت وهما ذهب)
هو جه البيت واهلي بعد الحلم ده رفضوه بس مش عارفه ليه حاسه ان الحلم ده فيه خير بس مش عارفه ايه خاصه الخاتم اللي عليه عجينه وانا شلت العجينه من عليه تفسيري يعني بقول يمكن يكون وحش وانا هغيره
انا والله حكيت الحاجات والاحداث دي يمكن تفيد في تفسير الحلم..
وحلم كمان امي حلمته وحاسه برده انه فيه خير هي حلمت انها قاعده في قطر ومفيش حاجه تمسك فيها خالص ساعه مالقطر يميل وجمبها عسكري والقطر كله عساكر وكل ما الاقطر يميل تمسك نفسها عشان ماتسندش علي العسكري راح العسكري قالهاانت خايفه ليه دانت قاعده في اتوبيس كله عساكر راحت قالتله الله هينجيني ان شاء الله راح العسكري قالها طب احنا هنزلك وسط الصحراء وورينا هتعملي ايه راحوا منزلينها وهي قالت زي ماربنا نجاني وانا معاكوا هينجيني برده وهينقذني وقعدت العساكر كلها تبص عليها وقعدت تقول ياااااااااااااااااااااارب يااااااااااارب لقت نفسها بتطير وعدت الصحراء وعدت كان فيه بحيره او ترعه كده عدتها وبعدين لقت واحده جارتنا لابسه عروسه بس هي اصلا في الحقيقه متجوزه لقتها طايره معاها ولابسه فستان ابيض بس ماشفتش الفرح
ماما بتقول انا حاسه ان العروسه دي انت يا رب يخليكوا ردوا عليه ضروري انا عارفه اني اتكلمت بالتفصيل وحكيت كتير بس انا مش عارفه اعمل ايه نسيت اقول حاجه ان امي حالتها النفسيه مش اد كده
ياريت تردوا عليه ضروري عشان ارتاح واسكت عشان الحلم ده علي طول في بالي
همسات حب ضائع الخطوات همسات حب ضائع الخطوات فتكات جديدة Fatakat 94551 السويس – مصر
