ازيكو يا احلى صحبه فى الدنيا كلها
مش لاقيه حد غيركم اسأله واستشيره
انا عارفه انى اتأخرت اوى بس اعمل ايه والله لسه مخلصه امتحاناتى
وانا فى الامنتحانات مش بعرف اعمل رجيم خااالص
بصو بقى انا 107 كيلو
وطولى 170 سم
يعنى عندى زياده مهوله
انا فرحى يوم 10 تسعه
عقبالكم كلكم يا حبايب قلبى
يعنى خلاص مفيش وقت
فاضلى شهرين
شهر عادى وشهر رمضان
عايزه ع الفرح كده اوصل ل 80 كيلو والله انا مش طماعه مش هقول 70 ولا 75
80 عشان يبقى شكلى حلو ومحدش يتريق عليا
مش عارفه هعرف ولا ايه
يا ترى هلحق اخس ال 27 كيلو دول فى شهرين
انا لسه مبدأتش ومعملتش حاجة
مش عارفه اعمل ايه ولا ابدأ ازاى
انا لو عملت رجيم من العادى اللى بيخسس 2 كيلو فى الاسبوع مش هلحق اخس حاجة
عايزه حاجة تخسس بسرعه عشان الحق ع الفرح
ممكن تفيدونى وتقولولى اعمل ايه
والله انتو عارفين انا لسه محجزتش الفستان
هحجزه على اى مقاس
هو مقاسى ده اصلا هلاقيله فساتين
انا بجد خايفه اوى احسن اكون فرجه فى الفرح وتريقه لكل الناس
ها قولولى بقى يا حبايبى اعمل اييييييييييييييييييه؟؟؟؟؟؟؟؟؟؟؟
الضاحكة الباكية الضاحكة الباكية 220170_2.gif فتكات هايلة Fatakat 220170 بيتنا – مصر