السلام عليكم ورحمة الله وبركاتة
ازيكم يافتوكات وحشتونى جدا انهاردة جيبالكم احلى اكلة عندنا وهى الويكا وهى اكلة مفضلة عندنا وبنعملها على طول وللى ميعرفهاش هى البامية بس الكبيرة وهى انتشرت عند البياعين بس بتقليلو عاوزة وايكة بيدهالك على طول وهى بتبقى تغير من الملوخية انا اسفة للاطالة بس انا مصدقت اتكلم طول النهار قاعدة لوحدى كفاية ر غىىىىىىىىىىىى
اولا تجيبى مثلا نص كيلو ويكا وبعدين تشيلى الحتة المن فوق ولى من تحت زى البامية وتغسليها كويس وتقطعيها شرائح رفيعة وتكونى خاطة شوربة على النار مناسبة لكمية الويكا زى مابتعملى الملوخية وتخطى الويكا فى الشوربة بعد ماغلت وتسبيها شوية تغلى ولما يبقى لون الحبة البيضا الى فيها بمبى ودة هو التكنيك لانك لوسبتيها اكتر من كدة الويكا لونها حيسود شوية وحنا عاوزينها خضرة تطفى عليها وتعمليها بالمفراك دى موجودة فى الصعيد اعتبريها زى المعلقة الخشب مع فارق صغير لانها مخطوط فيها عصيان صغيرة فبتبقى زى مضرب السلك الى عندها مضرب سلك فهو يفى بالغرض تتضربيها بية كويس وتكونى محضرة الطشة العادية وطشيها زى الملوخية وان شاء الله حتعجبكم وهى تغير لان الواحد بيزهق من الملوخية كل يوم وبالهنا والشفا
انا عارفة انى طولت عليكم لانى بحب لما اكتب اكتب كل التفاصيل خطوة خطوة
علشان النتيجة تطلع حلوة فى الاخر ولاتنسونا من صلح دوعائكم ::
خلى بالك يافتوكة الوصفة دى جات لفتكات من اخر الصعيد
قيموها بس علشان المواصلات وتعب السفررررررررررر وكدة يعنى مواضيع هذا القسم برعاية
جويرية بنت الحارث جويرية بنت الحارث 535065_2.gif فتكات متميزة Fatakat 535065 القاهره – مصر