[center]
انا النهاردة برضه عاملة وجبة كاملة تنفع لايام رمضان اللى الازواج دايما يطلبو فيه اكل جديد كأن الصيام مش حاينفع لو فطروا على صينية
بطاطس عادية
المهم يلا نخش على الشغل على طول احسن رمضان قرب خلاص كل سنة و انتم طيبين . الاكلة دى سهلة جدا و سريعة فى عمايلها
يعنى تقدرى تعمليها و تخلصى بسرعة علشان تقعدى تقرى شوية قران قبل المغرب
دى بقى صورة تشويقية
فراخ صدور فيليه رفيعة بعدد الاسرة متبلة بملح و فلفل و ميه بصل و زعتر
ويبنج كر يم جهينة
لحمة معصجة مع يسلة و جزر و توابل و زعتر
مكرونة [ انا استعملت العر يضة ] ممكن الاسباجيتى
معلقة كبيرة دقيق
نفرد الصدر و نحط معلقة من الحشو و نلفها
و نسلقهم فى ميه فيها ملح و فلفل و بصل و حبهان و مستكة
بعد ما يتسلقوا نرفعهم من الشوربة و نفكهم من الفويل و نسيبهم يبردوا شويه و نحمرهم فى زبدة
و نسيبهم يبردوا علشان نعرف نقطعهم
نعمل بقى الصوص :ناخد شويه شوربة و نحط فيها 3 معالق من الحشو و نخليها تغلى و نضيف حوالى كوب كريمة و ندوب الدقيق فى ميه
و نحطه على الشوربة و الكريمة و نقلبه لحد ما يبقى سميك شويه
نبتدى نغرف المكرونة السخنة و نصب عليها الصوص و نقطع رول الفراخ بالورب و يرص فى الطبق
و دلوقتى نعمل سلطة بسيطة : خيار نقطعه بمقشرة البطاطس شرايح طويلة رفيعة و نتبله :
1 معلقة مسطردة / زيت / ملح / زعتر / عصير ليمون / فلفل اسود/خل نحطهم كلهم فى برطمان و نرجهم لحد ما يتقلوا و نصبهم على
الخيار و نزينه بطماطم كارو و زيتون اسود
و الشوربة اللى سلقنا فيها الرولز نعملها شوربة لسان عصفور
و دلوقتى نقدم الوجبة كلها
و ممكن نحط صوص على الفراخ زى كده
و طبعا كالعادة عاوزة اعرف رايكم علشان احط طبق الحلو يا حلوين
عموما من قبل ما اعرف رايكم حاجيب الحلو علشان انتم حبايب قلبى
اسيبكم فى رعاية الله مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر