كيفكم يااحلى فتوكات انبارح عملت الغدا سمك مشوى ومقلى وقلت اخد رئيكم فيه
انا مش هطول عليكم
نبدء باسم الله مع بعض
اولا السمك بلطى حى (سمك صاحى)خلى بالك وانت بتشترى اى نوع سمك ماشى بصبعك عليه من تحت لفوق لو لقيتى القشره مش
بتطلع معاكى يبقى كده السمك صابح
جبت السمك زى ماقلتلكم ودى السمك قبل الشغل لالالا استن و هنزلكم صوره تشجعكم الاول عشااان تقييييييييموا وانتو متشجعيييينهاااااا ايه رئيكم تعالو بقى نعرف ازاى
اولا السمك انا بشتريه متنضف جاهز بس بعد ماانقيه سمكه بسمكه ودى السمك قبل الشغل
غسلته كويس بالليمون وجهزت الخلطه اللى هاحشيه بيها وكمان هاسقى بيها المشوى والمقادير (4فصوص توم محترمين كده وكبار-ملح-فلفل-بهارات سمك-كمون-طماطمايه-قرن فلفل اخضر)اولا نخلط المقادير كلها من غير الطماطم والفلفل الاول فى الكبه لو مفيش كبه يبقى مطحنه الخلاط اللى بتستخدميها لفرم التوابل وده المقادير
ودى الصوره بعد الفرم
اخدت منه معلقتين وحشيت بيه السمك وبعدين ضفت الطماطم والفلفل الاخضر وفرمتهم تانى ودى شكلهم بعد الفرم وعصرت عليهم ليمونه و سيبتها فى الخلطه
وبعدين تتركى الليمونه فى الخلطه وتشيليها فى التلاجه لحد ماتيجى تخلصى شوى وبعدين تطلعيها
نعمل كوب رز على ماالسمك يشبع من الخلطه انا سويت كوب رز غسلته كويس متنقعيش الرز حمرى بصله على النار لحد مايكون لونها دهبى وبعدين تضعى الرز عليها وتقلبى وتتركيه 3ثوانى عشان الرز يسخن ويكون مفلفل وبعدين ضيفى الميه وتكونى متبلاهابالملح والفلفل ولو عندك بهارات الرز ممكن تضعى عليه وسويه بالطريقه العادي هو دى شكل تانى ليه كمان
ودى كمان بعد ماشرب الميه
نبتدى فى قلى السمك معلش معرفتش اصوره وهو على النار اما بالنسبه للشوى انا شويته على الرف بتاع الفرن طلعته وحطيته على العين الكبيره للبوتوجاز وسيبتها تسخن جدا علشان لما اضع عليها السمك مايلزقش لما اقلبه على الجهه الأخرى وبعد مايخلص الشوى اضعه على طول فى التتبيله وهو سخن ودى شكله قبل مايدخل على السوى والمقلى معاه كمان زى ماقلتلكم تبلته وسيبته وبعدين بطنته بالدقيق والردهودى كمان صوره اوضح
وبعدين زى ماانتو عارفين يافتوكات بنعمل ايه بعد كده بنشوى ونقلى تيجى نعمل سلطه على مايستوى
وعلى فكره وانتى بتعملى السلطه متحطيش عليها فلفل رومى دى سمعته فى برنامج الدين والحياه الدكتور ماجد زيتون بس الصراحه مش فاكره ايه السبب
يلا بقى انا طولت عليكم دى الصور النهائيه للوجبه
وشايفين البخار لسه السمك سخن ودى صور للاكله مع بعض
ودى صوره عشان اللى مقيمش يقيييييييييمهاااااااااااا ايه رئيكم والخص ومعاه فول اخضر بقى وعيشى معاه
وشكرااااااااااااااااااا جزيلا على حسن متابعتكم لى وتقيييمكم لموضوعى المتواضع اللى اكيد مابيجى حاجه جنب مواضيعكم الهايله
انا سعيده جدآآآآآآآآآ لانى موجوده فى فتكات اصلآ وكمان بقى ليا اصحاب من كل مكانبجد شكرآآآ ليكم
اه على فكره التقييييييييييم يااحلى واجمل بنات فى احلى واجمل مدونة فى الدنيا ودى البوكيه لحبيبه قلبى فتكات
مواضيع هذا القسم برعاية
بيرو2016 بيرو2016 613737_8.gif فتكات رائعة Fatakat 613737 الرياض – السعوديه