بسم الله الرحمن الرحيم والصلاة والسلام علي رسول الله ص
جربي بقي احلي طعم فراخ في الفرن بس الطعم ايه حكاية طعمها الذ جدا من اى فراخ ولو جربتيها مش هاتغيريها
المقادير :فراخ بيضاء البهارات سر الخلطة (ملح وفلفل وروز مارى وشطة وكسبرة ناشفة وكمون وبهارات فراخ وقرفة وجنزبيل وبابريكا ) عصير بصلةكبيرة م زبادى كبير م ك مستردة وم كاتشب م ك صويا صوص ممكن الاستغناء عنها رشة خل صغيرة وعصرة لمونة فلفلة خضرا مقطعة صغيرة الطريقة : انا الاول بغسل الفراخ بالدقيق والملح كويس وبشرحها شوية من فوق عشان تستوى كويس ولتوزيع البهارات كويس بحط الاول البهارات كلها علي الوشين عشان اتاكد انها كلها اتبهرت كويس زى كدة
وبعدين بحطها في بولة وبحط باقي التتبيلة واخلطهم كويس
تبيتها في التلاجة ماشي او علي الاقل ساعتين في التلاجة عشان تشرب التتتبيلة
وتتحط في صينية للفرن ونحط الصوص بتاعها عليها
وفي فرن 200 درجة لمدة ساعة وساعات ساعة وربع حسب نوع الللحم للفراخ بس غالبا ساعة وشوفي لحمها استوى وطري ولالا ودوقي بقي هاتلحسي صوابعك من حلاوتها ولا الصوص ياخرااااااااااااابي طعم طعامة ه تصدقوا لحقت اخر سدر وورك اصورة لانها اتهبرت بالهنا والشفا
كمان صورة للورك امممم
صدقينى هاتتمصي صوابعك من حلاوتها
وبالهنا ماتنسيش تصلي علي حبيبك محمد ص وماتنسيش التقييييم ياقطة ينوبك ثواب مواضيع هذا القسم برعاية
yassmine yassmine 13633_2.gif فتكات متميزة Fatakat 13633 اسكندرية – مصر