انا اولا اتعلمت الطريقه دى من واحد قريبنا بيعمل اكل تحفه
المهم………… المكونات
لحمه مفرومه نصف كيلو بيعملولى 4 ارغفه
بصلايه متوسطه متقطعه صغير او كبير زى متحبى
طمطمايه كبيره متقطعه
ملح…….فلفل …………وفى ساعات بحط قرفه وجنزبيل من باب تغيير الطعم وبيبقى تحفه برده
الطريقه
تحطى البصل والطماطم والملح والفلفل وتدعكى شويه بتنزل ميه البصل ودى بيخلى الاكل حلو
وبعدينحطى اللحمه وتقلبى لو عندك وقت سبيهم شويه عشان اللحمه تشرب طعم البصل معندكيش ممكن تكملى
افتحى العيش من الطرف وابتدى امليه لحمه وافرديها كويس عشان اللحمه طبعا هتكش
وسر عمو وحيد
هو انك بتجيبى صنيه الفرن المقفوله مش الشبكه لو معندكيش باى صنيه من صوانى الفرن بتاعه الكيكه تمشى
هنعمل اه بقى نحط فيها زيت ايوه زيين مش هتمليها لا حوالى 3 او 4 معالق زيت وحطى الحواوشى عليها واقلبى الرغيف وش وضهر عشان الناحيتين يدهنون زيت او ممكن بايدك تدهنيه لو حسيتى ان الزيت خلص من الصنيه حطى معلقيتين تانى وولعى الفرن على حراره مش عاليه اوى وشويه واقلبيه وخلى بالك متقلبيش كل شويه عشان اللحمه بتطلع ميتها وهتلاقى العيش اتبل وهيتهرى استنى لحد متلاقيه الناحيه اللى تحتت اتحمرت اقلبيه مش بياخد كتير وبعدين طلعيه على اى حاجه تشرب الزيت وبعدين بالهنا والشفا مع الطحينه او المايونيز مواضيع هذا القسم برعاية
موشووو ام حذيفه موشووو ام حذيفه 229883_6.gif فتكات رائعة Fatakat 229883 القاهره – مصر (ام الدنيا)