السلام عليكم ورحمه الله وبركاته
كيفكم يافتوكاتى؟
طبعا قولنا اننا هنحاول نعدل فى اكلنا عشان يكون صحى لينا ولاولادنا عشان نحميهم من الامراض ربنا يعافينا
وكفايه قلى وتحمير ودهون وزيوت
النهارده عملالكم شاورما دايت جناااان ولو دقتيها اتحداكى تطلعى الفرق بينها وبين العاديه
ماحنا قلنا طعم الاكل مش بالدهون طعم الاكل بالتوابل والبهارات
هتقولولى يعنى هتخترعى شاورما دايت الشاورما عباره عن (فراخ وطماطم وفلفل وبصل وتوابل) هتألفى
هقولكم وهثبتلكم بالبرهااااااان
بسم الله نبدأ
المقادير
نص كيلو فراخ بانيه مقطع شرايح
3 حبات طماطم و5 حبات فلفل وبصلتين
(5 فصوص ثوم – م كبيره مسترده – نص معلقه ريحان -علبه زبادى لايت – م صلصه – نص معلقه شطه -معلقتين كبار بقدونس مفروم )
دى المكونات اللى هتخليها دايت اللى باللون الاحمر
اولا الثوم بيعلى الحرق فى الجسم
ثانيا المسترده بتحرق الشحوم الزايده
االريحان مع الزبادى بيخفض الكوليسترول
الشطه بتنشط الدوره الدمويه وبالتالى هتعلى الحرق
البقدونس مذيب للدهون ويطلق عليه (مكنسه المعده )
دى صوره المقادير
اول حاجه نعملها التتبيله نبشر بصله من البصلتين ونحط عليهم ملح وفلفل وشطه وعلبه الزبادى والريحان ومعلقه الصلصه والمسترده
ونقلب كويس وده شكل التتبيله
وهنا حطيت الفراخ فى التتبيله وهسيبها فى التلاجه 3 ساعات
بعد مالفراخ اتتبلت قطعت الفلفل والطماطم شرايح والبصل مكعبات وفرمت التوم
اول حاجه هنحط معلقه زيت واحده وعليها البصل والتوم
لما يدبلوا هضيف الفلفل ونقلب
ولما يدبل اضيف الفراخ واقلب وازود ربع كوب ماء واغطى ونسيبها تستوى ربع ساعه على نار متوسطه
وقبل مانطفى بخمس دقايق هنحط الطماطم
وبعد مانطفى النار نحط البقدونس عشان يفضل فريش
ممكن نقدمها كده وتاكل جنب عيش سن او توست
وممكن نعمل فته شاورما بس برضه دايت زى كده
نحط طبقه ارز بخارى ( مستو على البخار ) وهنزل طريقته قريب
وعليه طبقه عيش محمص فى الفرن
وعليه الصوص
علبتين زبادى لايت و3 فصوص توم وملح وفلفل
وهنا حطينا الصوص على العيش المحمص
واخر حاجه الشاورما
تعالوا بقى نحسب فرق الكالورى
الشاورما التقليديه
نص بانيه=600 كالورى
بصل وفلفل وطماطم = 100 كالورى
سمنه او زيت = 300 كالورى على الاقللللللل
زبادى =100 كالورى
المجموع = 1100 كالورى
الشاورما بتاعنا
نص بانيه=600 كالورى
فلفل طماطم بصل = 100 كالورى
م زيت= 100 كالورى
زبادى لايت= 50 كالورى
مسترده-شطه-توم-ريحان-بقدونس= بيحرقوا فى الوجبه 150 كالورى
المجموع = 700 كالورى يعنى خفضنا 400 كالورى
طبعا الفرق كبير وواضح
اتمنى تكونوا استفدتوا من الموضوع
وردك وتقييمك هسيبه لذوقك وضميرك
وانتظرونى فى موضوع جديد ان شاء الله
فى رعايه الله
مواضيع هذا القسم برعاية
نور خبيره تجميل نور خبيره تجميل 504192_8.gif ممنوعة من المشاركة Fatakat 504192 فى حضن زوجى وقلب ابنى – مصر حبييبتى أنا