السلام عليكم ورحمه الله وبركاته
صباح الخير علي احلي قمرات
يارب تكونو بخير
طبعا اتخضيتو من العنوان بس فعلا ده اللي حصل بس مش انا اللي موتها دي جيالي مدبوحه بس انا بعيد عنكم عذبتها
بصو بقي من كام يوم كنت في السوبر ماركت المهم قولت لجوزي هات فرخه كامله
بصلي كده قالي ليه كده يا حبيبتي ؟؟
قولتله متخافش هعرف اعملها
قالي بلاش
قولتله لا هاتها
قالي خلينا في صدور الفراخ يا بنتي
قولتله لا ابدا هاتها بس
قالي بلالالالالالالالالالالالالالاش
قولتله اسمع كلامي بس
المهم جبتها للاسف
جيت بقي النهارده قمت رتبت الشقه وطلعت الفرخه من الفريزر تفك وكلمت مامتي حبيبتي
قولتلها هي الفرخه بتتعمل ازاي
قالتلي بتنضفيها وتنقعيها في خل وملح او دقيق اي حاجه علشان تشيل الزفاره
وبس
قمت ايه بقي عملت فيها البت الخبيره ودخلت انضف الفرخه
ويارتني ما عملت كده
الفرخه كانت قبل التنضيف قطعه واحده يا عيني و زي الفل
وماليه مركزها كده
بعد التنضيف تقوليش عندها كساح بقت 6 حتت ازاي معرفش وكل حته شكلها اغرب من الخيال
انا شوفت في حياتي فراخ كتير وقليل ومشوفتش زي الفرخه دي واللي جرالها
شيلت الجلد كله والبتاع الابيض اللي تحت الجلد ده انا شكلي شيلت اللحم كمان تقريبا
وفي حاجات كتيره كده شيلتها
هو انا حاسه ان الباقي حاليا العضم وحتتين لحمه كده
تعتقدو بقي بعد الدمار ده ينفع تكون للاكل الادامي ولا اعمل فيها ايه
جوزي جاي كمان 3 ساعات ان شاء الله
ومش عارفقه بصراحه
وبعدين منظري وبرستيجي هيكون عامل ازاي قدام جوزي بعد اللي جرالها يا عيني
ولا اتصل بجوزي بكرامتي كده واقوله يجيب اكل من بره
مواضيع هذا القسم برعاية
just baby just baby 370953_5.gif فتكات هايلة Fatakat 370953 جده – السعوديه