وحشتووووووووونى
طبعا انتوا قريتوا اسم الموضوع ماتستغربوش ايوه مسقعه من غير قلى
وزيت وحرقه قلب ياخبر ياخبر
اخش احسن فى الموضوع على طول احسن تضربونى
شوفى ياستى اولا المكونات كالاتى
كيلو باذنجان رومى كبير
2حبه بطاطس متوسطه
نصف راس ثوم
ربع كيلو او اقل فلفل اخضر حراق او بارد حسب رغبتك
عصير طماطم
ملعقه خل
ملح+فلفل+كمون +شويه صغيره كسبره ناشفه
نجيب الباذنجان ونشويه فى الفرن ونقشر البطاطس ونقطعها مكعبات ونسلقها ونجيب شويه
من الفلفل الاخضر صحيح ونقليه فى الزيت وبس
نقشر الثوم ونفرمه مع قرنين فلفل اخضروبعدين نخلطه بالبهارات بتاعتنا
ناخذ شويه من الثوم ونحمره ونطشه بمعلقه الخل ثم عصير الطماطم وباقى الثوم ونسيبه يتسبك
نقشر بقى الباذنجان ونهريه يالشوكه ونقلبه على الصلصه مع مكعبات البطاطس والملح
وكلى بقى احلى واخف مسقعه
والله انا عملتها معرفتش ماما انا من غير قلى الا بعد ما اكلتها وقالتى اعمليها كده على طول
انشاء الله تعجبكم
كان معكم من بيتنا الى مدونة فتكات الشيف دوووووووووودى
والى اللقاء فى طبخات قادمه
ياريت اللى تعملها وتعجبها تدعيلى دعوه حلوه ان ربنا يثبت لى حملى ويكمل على خير
ويقربنى من زوجى اللهم اميييييييييييييييييين:: مواضيع هذا القسم برعاية
قلب برىء قلب برىء 30658_1.gif فتكات هايلة Fatakat 30658 الشرقيه – مصر